Ճանապարհատրանսպորտային պատահարներ հանրապետությունում

Սեպտեմբերի 25-ին, ժամը 02.00-ին, Երևանի Սասնա Ծռերի փողոցում «Տոյոտա»-ի վարորդը վրաերթի է ենթարկել մոտ 50 տարեկան անձը չպարզված տղամարդու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Սեպտեմբերի 25-ին, ժամը 10.30-ին, Երևանի Բաշինջաղյան և Մարգարյան փողոցների խաչմերուկում «Նիսան» մակնիշի ավտոմեքենան վրաերթի է ենթարկել 81-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Սեպտեմբերի 24-ին, ժամը 21.45-ին, Երևանի Արտաշիսյան փողոցում իրար են բախվել երկու «Մերսեդես» մակնիշի ավտոմեքենաներ. մեքենաներից մեկի 69-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***

Սեպտեմբերի 25-ին, ժամը 19.10-ին, Երևանի Արտաշիսյան փողոցում իրար են բախվել «ՎԱԶ-2107», «Մերսեդես» և կայանած «ԲՄՎ» մակնիշի ավտոմեքենաներ. «ՎԱԶ-2107»-ի 29-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***

Սեպտեմբերի 25-ին, ժամը 18.00-ին, 43-ամյա քաղաքացին մարմնական վնասվածքներով բուժօգնության է դիմել հիվանդանոց և հայտնել, որ վնասվածքները ստացել է սեպտեմբերի 22-ին, Աշտարակ քաղաքի Ղ.Փարպեցու փողոցում «Օպել» մակնիշի ավտոմեքենայով ծառին բախվելու հետևանքով:

***

Սեպտեմբերի 26-ին, ժամը 00.30-ին, Երևանի Գյուրջյան փողոցում «Հյունդայի» մակնիշի ավտոմեքենան բախվել է բետոնե արգելապատնեշին. 19-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն։

***

Սեպտեմբերի 25-ին, ժամը 20.00-ի սահմաններում, Վանաշեն-Այգավան ճանապարհի՝ Այգավան գյուղի հատվածում «Տոյոտա Քեմրի» մակնիշի ավտոմեքենան բախվել է «Ֆորդ Տրանզիտ» մակնիշի ավտոմեքենայի. «Ֆորդ Տրանզիտ»-ի 70-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***

Սեպտեմբերի 25-ին, ժամը 11.15-ի սահմաններում, Երևան-Արմավիր ճանապարհի 30-րդ կմ-ին «ԲՄՎ» մակնիշի ավտոմեքենան բախվել է կայանված «ԳԱԶ-66» մակնիշի ավտոմեքենայի. «ԲՄՎ»-ի 22-ամյա վարորդը, 24-ամյա ուղևորը, «ԳԱԶ-66»-ի 29-ամյա վարորդը և երկու ուղևորները մարմնական վնասվածքներով տեղափոխվել են հիվանդանոց։
Կատարվում է քննություն։

***

Սեպտեմբերի 25-ին, ժամը 21.00-ի սահմաններում, Երևան-Սևան ճանապարհի 15-րդ կմ-ին իրար են բախվել «Օպել» և «ԿամԱԶ» մակնիշի ավտոմեքենաներ. «Օպել»-ի 38-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն։

***

Սեպտեմբերի 25-ին, ժամը 13.40-ի սահմաններում, Գյումրի քաղաքի Տիգրան Մեծի պողոտայում անհայտ մակնիշի ավտոմեքենայի վարորդը վրաերթի է 11-ամյա տղայի և դիմել փախուստի։ Տղան մարմնական վնասվածքներով տեղափոխվել է հիվանդանոց։ Ոստիկանության Կումայրիի բաժնի քրեական հետախույզների անցկացրած բացատրական աշխատանքների շնորհիվ նույն օրը, ժամը 17.15-ին, ոստիկանության Կումայրիի բաժին է ներկայացել 50-ամյա քաղաքացի և հայտնել, որ իր «ԲՄՎ» մակնիշի ավտոմեքենայով 11-ամյա տղային վրաերթի է ենթարկել ինքը:
Կատարվում է քննություն։

***

Սեպտեմբերի 25-ին, ժամը 15.40-ի սահմաններում, Երևան-Մեղրի ճանապարհի 149-րդ կմ-ին «Մերսեդես-Բենց Սպրինտեր» մակնիշի ավտոմեքենան ընկել է գետը. 41-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։