Զենք-զինամթերքի կամավոր հանձնման աշխատանքները շարունակվում են

Ոստիկանության Քանաքեռ-Զեյթունի բաժնի ծառայողների բացատրական աշխատանքների շնորհիվ՝ 1981 թ. ծնված Մերի Օ.-ն կամավոր հանձնել է տարբեր տրամաչափի 211 փամփուշտ, «Ֆ-1» տիպի նռնակ` 2 պայթուցիչներով, և զարկան:

***
Ոստիկանության Ճամբարակի բաժնի ծառայողների բացատրական աշխատանքների շնորհիվ՝ 1985 թ. ծնված Հարություն Հ.-ն կամավոր հանձնել է «ԻԺ-18» տիպի, 16 մմ տրամաչափի, մեկփողանի, ողորկափող որսորդական հրացան, «ԱԿ-74» ինքնաձիգի 5,45 մմ տրամաչափի` 105, 7.62 մմ տրամաչափի` 42 և 7.62 մմ տրամաչափի «Կարաբին» հրացանի 23 փամփուշտ, իսկ 1985 թ. ծնված Էդվարդ Ս.-ն՝ «Ջ-1» տիպի 2 նռնակ` առանց պայթուցիչի, ԴՇԿ փամփուշտ, «ԱԿՄ» ինքնաձիգի 7.62 մմ տրամաչափի 25 փամփուշտ, «ԱԿ-74» ինքնաձիգի 5.45 մմ տրամաչափի 203 փամփուշտ:

***
Ոստիկանության Վարդենիսի բաժնի ծառայողների բացատրական աշխատանքների շնորհիվ՝ 1968 թ. ծնված Արծրուն Ա.-ն կամավոր հանձնել է «Կարաբին» հրացանի 7.62 մմ տրամաչափի` 72, 5.45 մմ տրամաչափի` 61, ինքնաձիգի 7.62 մմ տրամաչափի` 54, 23 մմ տրամաչափի 1 փամփուշտ, «Ֆ-1» տիպի 1 նռնակ` առանց պայթուցիչի, նռնակի 2 պայթուցիչ, 200 գ պայթուցիկ նյութ /ամունալ/, իսկ 1967 թ. ծնված Արամ Դ.-ն՝ «Կարաբին» հրացանի 7.62 մմ տրամաչափի` 10, ինքնաձիգի 5.45 մմ տրամաչափի` 40 փամփուշտ և ինքնաձիգի 1 պահունակ:

***
Փարաքար գյուղում գտնվող ՃՈ անշարժ հենակետում ծառայություն իրականացնելու ժամանակ ոստիկանության Վաղարշապատի բաժնի ծառայողների բանավոր պահանջով՝ 1991 թ. ծնված Վահե Կ.-ն իր «Մերսեդես-Բենց» մակնիշի ավտոմեքենայի սրահի պահախցից կամավոր ներկայացրել է օդաճնշիչ ատրճանակ: