ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
26.05.2016 09:03
Մայիսյան հաղթանակներին նվիրված տոնական միջոցառում Նոր Նորքում
Մայիսի 24-ին Երևանի Նոր Նորք վարչական շրջանի ղեկավար Արմեն Ուլիխանյանի և ոստիկանության Երևանի Նոր Նորք և Ավան վարչական շրջանների ոստիկանության վետերանների խորհրդի նախագահ Գևորգ Սարգսյանի նախաձեռնությամբ կազմակերպվել էր մայիսյան հաղթանակներին նվիրված համերգային ծրագիր: Մինչ տոնակատարության մեկնարկը՝ միջոցառման մասնակիցները ծաղիկներ խոնարհեցին Նոր Նորքի 2-րդ զանգվածում տեղակայված Գագիկ Ստեփանյանի՝ Հեթանոս Գագոյի հուշարձանին:
Ազգային, հայրենասիրական խրոխտ երգ ու պարով ուղեկցվող տոնական միջոցառումը լավագույն առիթ էր երախտիքի խոսքեր հղելու հայրենիքի պատշտպաններին՝ վերահաստատելու, որ ոչ ոք և ոչինչ չի մոռացվել:
Համերգային ծրագրին մասնակցում էին Նոր Նորք վարչական շրջանի ղեկավար Արմեն Ուլիխանյանը, ոստիկանության Նոր Նորքի բաժնի պետ Արմեն Վաթյանը, ոստիկանության Երևանի Նոր Նորք և Ավան վարչական շրջանների ոստիկանության վետերանների խորհրդի նախագահ Գևորգ Սարգսյանը, ոստիկանության ծառայողներ, կրթության ոլորտի ներկայացուցիչներ և այլ հյուրեր:
Մայիսյան հաղթանակները հայրենիքի հանդեպ անսահման սիրո դրսևորումն էին, ապացույցը մեր զորեղ ու անպարտ տեսակի: Այս գաղափարն էր թևածում միջոցառման ողջ ընթացքում՝ ներկաներին համակելով հայրենասիրական վեհ զգացումներով:
