Հունիսի 4-ին ճանապարհային ոստիկաններն ուժեղացված ծառայություն են իրականացրել Երևանում և Գյումրիում /ՏԵՍԱՆՅՈՒԹ/

Հունիսի 4-ին ճանապարհային ոստիկանության ճանապարհապարեկային ծառայության բաժնի և ուղեկցող սպայական հատուկ վաշտի ծառայողները ուժեղացված ծառայություն իրականացրին մայրաքաղաքում:
Արդյունքում՝ հայտնաբերվեց 1 մեքենա, որը այլ գերատեսչության կողմից գտնվում էր հետախուզման մեջ, մեկ մեքենա առանց համարանիշի էր, ևս մեկ մեքենայի վարորդ երթևեկում էր հանդիպակաց:
Հայտնաբերվեցին նաև 11 մեքենայի վարորդ, որոնք երթևեկում էին ժամկետն անց ԱՊՊԱ պայմանագրով, իսկ 29 մեքենայի առջևի հողմապակիները մգեցված էին:
Ճանապարհային ոստիկանների հատուկ ուշադրության կենտրոնում էին Երևանում երթևեկության այլ մասնակիցների նկատմամբ բացահայտ անհարգալից վերաբերմունք դրսևորող, միտումնավոր խախտումներ կատարող վարորդները:
Հայտնաբերված բոլոր օրինախախտների նկատմամբ՝ անխտիր կազմվեցին վարչական իրավախախտման վերաբերյալ արձանագրություններ:
Նույն օրը ճանապարհային ոստիկանության երկրորդ սպայական գումարտակի ծառայողներն ուժեղացված ծառայություն իրականացրին Գյումրիում:
Արդյունքում՝ հայտնաբերվեցին բազմաթիվ օրինախախտ վարորդներ, վարչական իրավախախտման վերաբերյալ արձանագրություններ կազմվեցին 85 վարորդի նկատմամբ:
9 մեքենա տեղափոխվեց ճանապարհային ոստիկանության պահպանվող հատուկ տարածք, մեկի վարորդը ոչ սթափ վիճայում էր, իսկ մնացածը չունեին համապատասխան փաստաթղթեր:
Ուժեղացված ծառայության ընթացքում հայտնաբերվեց առջևի հողմապակու լուսաթափանցելիության չափի խախտմամբ 7 մեքենա: Բոլոր վարորդների նկատմամբ կազմվեցին վարչական իրավախախտման վերաբերյալ արձանագրություններ:
Եվս 11 մեքենայի առջևի հողմապակիները թաղանթապատ էին: Այդ տրանսպորտային միջոցների վարորդները խախտումը վերացրին տեղում:
Բացի այդ, 4 վարորդի նկատմամբ վարչական իրավախախտման վերաբերյալ արձանագրություն կազմվեց երթևեկության ընթացքում տարբեր իրեր և առարկաներ նետելու համար: