Սրճարաններից փող էր գողացել ու բռնվել. ոստիկանության բացահայտումը

Հոկտեմբերի 11-ին, ժամը 8.30-ի սահմաններում, ոստիկանության Կենտրոնական բաժնում օպերատիվ կառավարման կենտրոնից հաղորդում է ստացվել, որ գիշերը մետաղական ձողի գործադրմամբ բացել են Թամանյան փողոցում գործող սրճանանի դուռը և երկու դրամարկղերից գողացել ընդհանուր 119.000 դրամ:
Գողությունը կատարած անձին և գողոնը հայտնաբերելու ուղղությամբ ձեռնարկված միջոցառումներով, քրեական հետախույզները պարզել են, որ գաղտնի հափշտակությունը կատարել է Նոր Արեշի 18-ամյա մի բնակիչ:
Նույն օրը կասկածվողն իր տնից բերման է ենթարկվել, ոստիկանության Կենտրոնական բաժին:
Ոստիկանները պարզել են, որ նշվածից զատ, այդ գիշեր, նա դարձյալ տեխնիկական միջոցների գործադրմամբ, բացել նաև Կորյունի փողոցում գործող սրճարանի դուռը, դրամարկղից գողացել 160.000 դրամ:
18-ամյա երիտասարդը տվել է խոստովանական բացատրություն:
Նախապատրաստվում են նյութեր: