ՈՍՏԻԿԱՆՈՒԹՅՈՒՆԸ՝ ՆՈՐ ՈՒՍՈՒՄՆԱԿԱՆ ՏԱՐՎԱՆ ԸՆԴԱՌԱՋ (տեսանյութ)

Ավարտվում է ամառային արձակուրդների շրջանը: Եվս մի քանի օր` և դպրոցներում կհնչի առաջին զանգը: Այդ օրվան սպասում ու պատրաստվում են շատերը, նաև ոստիկանությունը: Ավանդաբար ամեն տարի, մինչև սեպտեմբերի մեկը, ոստիկանությունը լրջորեն նախապատրաստվում է նոր ուսումնական տարվա մեկնարկին, կազմակերպում և անցկացնում է ուժեղացված ծառայություն:
Դպրոցի մոտ ծառայություն իրականացնող ոստիկաններից զատ, անչափ կարևոր են ճանապարհային երթևեկության այն տարբերանշաններն ու գծանշանները, որոնք ուղղորդում են հետիոտնին ու վարորդներին` ինչպես հատել փողոցը, որտեղ նվազեցնել արագությունը: Այդ իսկ պատճառով ոստիկանությունն ուսումնասիրում է ճանապարհափողոցային ցանցի երթևեկության կազմակերպման տեխնիկական միջոցների հագեցվածությունը, տեղադրում ճանապարհային նշաններ, թարմացնում և գծանշում նոր հետիոտնային անցատեղեր` հատկապես դպրոցների մոտակայքում:
Ոստիկանության հետ համագործակցության և տարվող աշխատանքների մասին խոսեց Երևանի քաղաքապետարանի տրանսպորտի վարչության պետ Հենրիկ Նավասարդյանը:
Ոստիկանների բարձրակարգ ծառայությունից գոհ էին նաև դպրոցի ուսուցիչները:
Սեպտեմբերի 1-ից դպրոցների մոտ ծառայություն են իրականացնելու ոստիկանական կարգախմբեր:
Վարորդներին կոչ ենք անում հատկապես դպրոցամերձ փողոցներում, խուսափել ավելորդ շտապողականությունից, լինել առավել ուշադիր և զգոն: