Շենգավիթի ոստիկանները գրպանահատին հայտնաբերեցին ու բերման ենթարկեցին (ՏԵՍԱՆՅՈՒԹ)

Սեպտեմբերի 12-ին ոստիկանության Շենգավիթի բաժնում հաղորդում ստացվեց, որ առևտրի կենտրոններից մեկում գողացել են մի աղջկա դրամապանակը, որի մեջ եղել 70 հազար դրամ, անձնագիր և այլ փաստաթղթեր։ Բաժնի քրեական հետախուզության բաժանմունքի ծառայողները, ձեռնարկելով տարաբնույթ օպերատիվ միջոցառումներ, պարզեցին գրպանահատությունը կատարելու մեջ կասկածվող անձի ինքնությունը։ Դեպքից երկու օր անց՝ սեպտեմբերի 14-ին, Նոր Խարբերդում ապրող 49-ամյա տղամարդը Արտաշատի խճուղում հայտնաբերվեց ու բերման ենթարկվեց ոստիկանության Շենգավիթի բաժին։ Նա տվել է խոստովանական բացատրություն։ Դեպքի հանգամանքները պարզվում են։ Նախապատրաստվում են նյութեր։