Պատահարներ Երևանում և հանրապետության ավտոճանապարհներին

Փետրվարի 17-ին, ժամը 07.20-ին, Երևանի Հերացու փողոցի թիվ 20/3 հասցեի դիմաց «Օպել» մակնիշի ավտոմեքենա է բախվել ճամփեզրի բետոնե պատնեշին:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Փետրվարի 17-ին, ժամը 20.45-ին, «ԲՄՎ» մակնիշի ավտոմեքենան Երևանի Չարենցի փողոցի թիվ 1 հասցեի դիմաց վրաերթի է ենթարկել 22-ամյա քաղաքացուհու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Փետրվարի 17-ին, ժամը 07.40-ին, «Ֆոլքսվագեն» մակնիշի ավտոմեքենան Երևանի Թևոսյան փողոցի թիվ 14/2 հասցեի մոտ վրաերթի է ենթարկել 55-ամյա կնոջ, այնուհետև բախվել «Միցուբիշի» մակնիշի ավտոմեքենայի:
Վրաերթի ենթարկված կինը մարմնական վնասվածքներով տեղափոխվել է հիվանդանոց:
Կատարվում է քննություն:

***
Փետրվարի 17-ին, ժամը 19.30-ի սահմաններում, Երևան-Գյումրի ճանապարհի 40-րդ կմ-ին իրար են բախվել «ՎԱԶ-2107» և «Օպել Աստրա» մակնիշի ավտոմեքենաներ:
«ՎԱԶ-2107»-ի ուղևորը, «Օպել Աստրա»-ի վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Փետրվարի 17-ին, ժամը 14.20-ի սահմաններում, Վեդի-Վանաշեն ճանապարհի 5-րդ կմ-ին «Ֆոլքսվագեն Գոլֆ» մակնիշի ավտոմեքենայի վարորդը վրաերթի է ենթարկել 56-ամյա կնոջ և նրան տեղափոխել հիվանդանոց:
Կատարվում է քննություն:

***
Փետրվարի 17-ին, ժամը 16.30-ին, «Նիսան» մակնիշի ավտոմեքենայի վարորդը Արմավիրի Հանրապետության փողոցում վրաերթի է ենթարկել 25-ամյա քաղաքացուհու և նրան տեղափոխել հիվանդանոց:
Կատարվում է քննություն:

***
Փետրվարի 17-ին, ժամը 15.10-ի սահմաններում, Վանաձոր քաղաքի Զ. Անդրանիկի փողոցի թիվ 32 հասցեի մոտ «ՎԱԶ-2107» մակնիշի ավտոմեքենայի վարորդը վրաերթի է ենթարկել 75-ամյա տղամարդու և նրան տեղափոխել հիվանդանոց:
Կատարվում է քննություն:

***
Փետրվարի 16-ին, ժամը 14.55-ին, հիվանդանոցից ոստիկանության Հրազդանի բաժնում հաղորդում է ստացվել, որ «գլխի և կրծքավանդակի փափուկ հյուսվածքների սալջարդ» ախտորոշմամբ բուժօգնության է դիմել 58-ամյա մի կին և հայտնել, որ վնասվածքը ստացել է իրենց տան դրսի աստիճաններից վայր ընկնելու հետևանքով:
Նյութերի նախապատրաստման ընթացքում պարզվել է, որ փետրվարի 16-ին, ժամը 13.00-ի սահմաններում, Հրազդանի Շահումյան փողոցի «Սուրբ Սարգիս» մատուռի մոտակայքում «Երազ-3218» մակնիշի ավտոմեքենան դուրս է եկել երթևեկելի մասից և կողաշրջվել, ինչի հետևանքով ուղևորուհին մարմնական վնասվածքներով դիմել է հիվանդանոց:
Կատարվում է քննություն:

***
Փետրվարի 17-ին, ժամը 23.00-ի սահմաններում, «Ֆորդ Տրանզիտ» մակնիշի ավտոմեքենան բախվել է Աբովյան քաղաքի Կոտայքի փողոցում ճանապարհից դուրս կայանված երկաթյա շարժական տնակին, ինչի հետևանքով ուղևորը ստացել է գլխի վնասվածք, սակայն հրաժարվել է բուժօգնությունից:
Կատարվում է քննություն:

***
Փետրվարի 17-ին, ժամը 23.30-ի սահմաններում, Եղեգնաձոր-Ագարակաձոր ճանապարհի 1-ին կմ-ին «Մերսեդես» մակնիշի ավտոմեքենա է ընկել ձորը, ինչի հետևանքով վարորդը մարմնական վնասվածքներով տեղափոխվել է հիվանդանոց:
Կատարվում է քննություն: