Պատասխան ArmLur.am-ի կիսաչակերտ բացահայտմանը

Այսօր ArmLur.am-ի էջին հայտնվել է մի հոդված՝ ՙՈւշագրավ «բացահայտում. ոստիկանության բարձրաստիճան պաշտոնյան՝ ադրբեջանցու քավոր՚ վերտառությամբ: Պարզվում է, որ հոդվածագրի ՙձեռքի տակ է հայտնվել մի լուսանկար, որում պատկերված նորապսակների հարսանիքի քավորն է հանդիսացել ոստիկանության ներքին անվտանգության վարչության պետը, իսկ նորապսակ փեսան՝ ադրբեջանցի է՚:
Հոդվածագրի մտահոգությունն այն է, թե ՙչկա որևէ երաշխիք, որ սույն բարձրաստիճան պաշտոնյան կապ չի պահում իր ադրբեջանցի սանիկների հետ, ինչն ինքնին ազգային անվտանգության հարց է բարձրացնում՚:
Ստիպված ենք պարզաբանել, թե որքանով է ճշմարտությանը համապատասխանում հոդվածագրի ՙմտահոգությունը՚: Ճիշտն այն է, որ լուսանկարում պատկերված սանիկն իսկապես ծնվել է Ադրբեջանում, ինչը նշված է նրա անձնագրում: Բայց քանի որ ազգությամբ հայ է, բազմահազար հայրենակիցների հետ 1988 թվականին որպես փախստական նա եկել է Հայաստան: Իսկ թե ինչու է հոդվածագրի թեթև ձեռքով նա ՙդարձել՚ ադրբեջանցի՝ դժվարանում ենք հասկանալ: Ուստի հետևությունները թողնում ենք ընթերցողին:
Միայն հավելենք, որ Ադրբեջանից բռնի տեղահանված մեր հայրենակիցները նույնքան հայ են ու Հայաստանի քաղաքացի, որքան Հայաստանում ծնվածները, և հենց նման ՙմտահոգություններն՚ են, որ ՙինքնին հարցեր են բարձրացնում՚: