Օրինախախտ վարորդը հայտնաբերվեց, մեքենան տեղափոխվեց ՃՈ պահպանվող հատուկ տարածք /ՏԵՍԱՆՅՈՒԹ/

Դեկտեմբերի 6-ին, ժամը 21-ն անց 30-ի սահմաններում, ճանապարհային ոստիկանության ծառայողները նկատել են «Վազ 217030» մակնիշի մի մեքենա, որը բարձր արագությամբ մուտք է գործել Սախարովի հրապարակ և ստեղծելով վթարային իրավիճակ՝ պտույտ կատարելուց հետո սլացել դեպի Հանրապետության հրապարակ:
Նույն օրը ճանապարհային ոստիկանության ծառայողները Հյուսիսային պողոտայում կանգնեցրին այդ ավտոմեքենան, որի վարորդը երթևեկության մյուս մասնակիցների նկատմամբ բացահայտ անհարգալից վերաբերմունք էր դրսևորել, և մեքենան տեղափոխեցին ճանապարհային ոստիկանության պահպանվող հատուկ տարածք:
Եվս մեկ անգամ կոչ ենք անում բոլորին՝ պահպանել ճանապարհային երթևեկության կանոնները: Բոլոր օրինախախտները հայտնաբերվում և ենթարկվում են պատասխանատվության: