ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
19.07.2018 11:32
Մեքենա էր փախցրել ու նույն օրը բռնվել
![Մեքենա էր փախցրել ու նույն օրը բռնվել Մեքենա էր փախցրել ու նույն օրը բռնվել](/resources/police/img/news/big/1531983567,0307.jpeg)
Հուլիսի 18-ին ժամը 20.50-ին ոստիկանության Իջևանի բաժնում օպերատիվ տեղեկություն է ստացվել, որ հուլիսի 17-ի լույս 18-ի գիշերը անհայտ անձը կամ անձինք Իջևանի Անկախության փողոցի 16 շենքի բակից փախցրել են «ՎԱԶ-21703» ավտոմեքենան:
Հուլիսի 18-ին ոստիկանության Տավուշի մարզային վարչության և Իջևանի բաժնի ծառայողների ձեռնարկված միջոցառումների արդյունքում ստացված օպեր. տվյալներն իրացնելիս, նշված հանցագործությունը կատարելու կասկածանքով, Սպանդարյան փողոցի 2-րդ նրբանցքից ոստիկանություն բերման է ենթարկվել Հայկ Բ.-ն, ով խոստովանական բացատրություն է տվել, որ հուլիսի 18-ին ժամը՝ 2.30-ի սահմաններում, Անկախության փողոցի թիվ 13 շենքի մոտից, աջ կողային ապակին կոտրելու միջոցով փախցրել է մեքենան:
Նշված ավտոմեքենան հայտնաբերվել և տեղափոխվել է Իջևանի բաժնի հատուկ պահպանվող տարածք:
Նախապատրաստվում են նյութեր: