Ոստիկանները պարզել են վարսահարդարին կողոպտած անձի ինքնությունը

Հունվարի 3-ին, ժամը 18.00-ին, ոստիկանության Արաբկիրի բաժնում հաղորդում է ստացվել, որ ժամը 17.40-ին Կիևյան փողոցում գործող գեղեցկության սրահում անհայտ անձը բացահայտ հափշտակել է վարսահարդարի «Այֆոն X» բջջային հեռախոսը՝ պատճառելով 540.000 դրամի վնաս:
Դեպքի վայր մեկնած օպերատիվ խմբի ծառայողները տուժողից հաղորդում են ընդունել:
Ոստիկանության Արաբկիրի բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ պարզվել է, կողոպուտը կատարողի ինքնությունը:
Ձեռնարկվում են միջոցառումներ նրան հայտնաբերելու ուղղությամբ:
Կատարվում է նախաքննություն: