ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
16.02.2019 15:06
Ոստիկանության պետի հրամանով հերթական կոչումներ են շնորհվել (ՏԵՍԱՆՅՈՒԹ)
Փետրվարի 16-ին, ոստիկանության պետի հրամանով, տարբեր ստորաբաժանումների մի շարք ոստիկաններ բարեխիղճ և սրտացավ ծառայության արդյունքում, իրենց հերթական կոչումները ստացան: Ձևավորված ավանդույթի համաձայն, ոստիկանության պետ Վալերիյ Օսիպյանը ծառայողներին անձամբ հանձնեց սպայական ուսադիրները: Նրանք ծառայության ընթացքում հետևել են օրենքի տառին, եղել են անաչառ, աշխատասեր և ազնիվ, ինչպես քաղաքացիների, այնպես էլ սեփական անձի նկատմամբ:
«Ես համարում եմ, որ հերթական կոչումը նույնպես պարգև է, քանի որ կոչման արժանանում է այն ծառայողը, ով տարվա ընթացքում չի ունենում գործող կարգապահական տույժ»,-ասաց ոստիկանության պետը:
Վալերիյ Օսիպյանը վստահություն հայտնեց, որ նոր կոչումները կնպաստեն ծառայողական պարտականությունների ավելի պատարաստակամ ու բարեխիղճ կատարմանը, ձեռքբերումները կպարտավորեցնեն օրենքին ու ժողովրդին ծառայելիս լինել ավելի կարգապահ, սրտացավ ու սկզբունքային:
«Եվս մեկ անգամ շնորհավորում եմ, մաղթում անփորձանք ծառայություն»,-ասաց ոստիկանության պետը:
