Ոստիկանության կազմակերպված հանցավորության դեմ պայքարի գլխավոր վարչությունում ամփոփվեցին 2016 թ. ընթացքում կատարված աշխատանքների արդյունքները

Հունվարի 16-ին ոստիկանության կազմակերպված հանցավորության դեմ պայքարի գլխավոր վարչությունում տեղի ունեցավ օպերատիվ խորհրդակցությունում, որի ընթացքում ամփոփվեցին 2016 թ. ընթացքում ԿՀԴՊ ԳՎ օպերատիվ-ծառայողական գործունեության արդյունքները:
Խորհրդակցությանը ներկա էին ՀՀ ոստիկանության պետի առաջին տեղակալ, ոստիկանության գեներալ-լեյտենանտ Հունան Պողոսյանը, ԿՀԴՊ ԳՎ պետ, ոստիկանության գեներալ-մայոր Ռաֆայել Զաքարյանը, ԿՀԴՊ ԳՎ ղեկավար կազմը և անձնակազմը:
Զեկույցներով հանդես եկան ԿՀԴՊ ԳՎ վարչությունների պետերը: Ելույթ ունեցողները ներկայացրին 2016 թ. ընթացքում իրականացված օպերատիվ-հետախուզական գործունեության արդյունքները:
ԿՀԴՊ ԳՎ պետ, ոստիկանության գենարալ-մայոր Ռաֆայել Զաքարյանն ընդհանուր առմամբ դրական գնահատելով 2016 թ. ընթացքում կատարված աշխատանքները՝ անդրադարձավ նաև տեղ գտած թերություններին և մատնանշեց դրանց շտկման ուղիները:
Ամփոփելով օպերատիվ խորհրդակցությունը՝ ոստիկանության պետի առաջին տեղակալ, ոստիկանության գեներալ-լեյտենանտ Հունան Պողոսյանը նույնպես դրական գնահատեց 2016 թ. ընթացքում ԿՀԴՊ ԳՎ կողմից կատարված աշխատանքները և հանձարարեց առավել բարձրացնել օպերատիվ-ծառայողական և կազմակերպչական աշխատանքների արդյունավետությունը: