Ոստիկանության Կենտրոնական բաժնի ծառայողները բնակարանային գողության դեպք են բացահայտել (ՏԵՍԱՆՅՈՒԹ)

Սեպտեմբերի 10-ի առավոտյան ոստիկանության Կենտրոնական բաժնում օպերատիվ կառավարման կենտրոնից հաղորդում էր ստացվել, որ ժամը 9.30-ից 10-ն ընկած ժամանակահատվածում, ինչ-որ մեկը հարմարեցված բանալիով բացել է Կողբացու փողոցում գտնվող բնակարաններից մեկի դուռը, գողացել բջջային հեռախոս, հուշանվեր դանակ ու ժամացույց:
Օպերատիվ խումբը մեկնեց դեպքի վայր: Գողության փաստով հարուցվեց քրեական գործ:
Հետաքննություն իրականացնող մարմինը անհետաձգելի օպերատիվ-հետախուզական միջոցառումներ ձեռնարկեց, արդյունքում, դեպքից ժամեր անց տեղեկություններ ստացվեցին, որ նշված գողությունը հնարավոր է կատարած լինի Շինարարների փողոցի 58-ամյա մի բնակիչ:
Քրեական հետախույզները նույն օրը, ժամը 13-ի սահմաններում, կասկածվողին բերման ենթարկեցին ոստիկանության Կենտրոնական բաժին:
58-ամյա տղամարդը տվել է խոստովանական բացատրություն: Նրա անձնական խուզարկությամբ հայտնաբերվել է նշված տնից հափշտակված հեռախոսը:
Հանգամանքները պարզվում են:
Նախաքննությունը շարունակվում է: