ՈՒՇԱԴՐՈՒԹՅՈՒՆ, ՀԵՏԱԽՈՒԶՎՈՒՄ ԵՆ ԱՌԱՆՁՆԱՊԵՍ ԾԱՆՐ ՀԱՆՑԱԳՈՐԾՈՒԹՅՈՒՆ ԿԱՏԱՐԵԼՈՒ ՀԱՄԱՐ (տեսանյութ և լուսանկարներ)

Մայիսի 3-ին, ժամը 18.40-ի սահմաններում, Արտաշատ քաղաքից Վերին Արտաշատ գյուղ տանող ճանապարհին, անհայտ անձինք «Լադա Պրիորա» ավտոմեքենայով փակել են Նորաշենի համայնքապետարանի վարորդ Կարեն Ղազարյանի վարած «ՎԱԶ 2107» ավտոմեքենայի ճանապարհը և կրակահերթ արձակել նրա և ուղևորի՝ Նորաշենի համայնքի ղեկավար Նորայր Գրիգորյանի ուղղությամբ:
Կարեն Ղազարյանը վնասվածքներով տեղափոխվել է հիվանդանոց:
Կրակողները դեպքի վայրից դիմել են փախուստի:
Ձեռնարկված համալիր օպերատիվ-հետախուզական և քննչական միջոցառումների շնորհիվ հանցագործությունը բացահայտվել է և միջազգային հետախուզում է հայտարարվել 1978 թ. ծնված Ռոլանդ Գալուստովի, 1994 թ. ծնված Ռոբերտ Գալստյանի, 1989 թ. ծնված Արթուր Նազարյանի և 1989 թ. ծնված Դերենիկ Սիմոնյանի նկատմամբ:

Դեպքի հանգամանքները ճշտվում են:
Միջոցառումներ են ձեռնարկվում հիշյալ անձանց և հանցագործության գործիք հրազենը հայտնաբերելու ուղղությամբ:
Քննությունը շարունակվում է:

Առանձնապես ծանր հանցագործություն կատարելու համար հետախուզվում են

Ռոլանդ Գալուստովը (1978 թ.),

Ռոբերտ Գալստյանը (1994 թ.),

Արթուր Նազարյանը (1989 թ.)

Դերենիկ Սիմոնյանը (1989 թ.)

Հետախուզվողների մասին տեղեկություն ունեցողներին խնդրում ենք դիմել ոստիկանության մոտակա բաժին կամ զանգահարել
011 56 12 32, 011 56 48 21 կամ 1-02 հեռախոսահամարներով: