Ընդունելություն ՀՀ ոստիկանությունում (ՏԵՍԱՆՅՈՒԹ)

Հունիսի 23-ին ոստիկանության Երևան քաղաքի վարչության պետ, ոստիկանության գեներալ-մայոր Աշոտ Կարապետյանն ընդունեց Բուենոս Այրես քաղաքի ոստիկանության պետի տեղակալ Ռիկարդո Պեդասեի գլխավորած պատվիրակությանը։
Ողջունելով հյուրերին՝ Աշոտ Կարապետյանը ներկայացրեց ոստիկանությունում իրականացվող բարեփոխումների ընթացքն ու կարևորեց երկրների միջև առկա ավանդական սերտ կապերը, որոնք ժամանակի ընթացքում ավելի են զարգանում:
Ռիկարդո Պեդասեն շնորհակալություն հայտնեց ջերմ ընդունելության համար և հավաստիացրեց, որ անմիջական շփումներն առավել արդյունավետ կդարձնեն համագործակցությունը հայաստանյան գործընկերների հետ։
Ռիկարդո Պեդասեն նաև բարձր գնահատեց հայ ոստիկանների արհեստավարժությունը, որը հատկապես տեսանելի է Հռոմի Ֆրանցիսկոս Պապի` Հայաստան կատարելիք այցի hետ կապված անվտանգության միջոցառումներ իրականացնելիս:
Կողմերը քննարկեցին նաև երկու երկրների ոստիկանական կառույցների միջև համագործակցության և փոխադարձ հետաքրքրություն ներկայացնող այլ հարցեր ևս՝ հույս հայտնելով, որ գործընկերային հարաբերություններն էլ ավելի կզարգանան: