ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
23.11.2018 20:04
ՀՀ ոստիկանության պետն ընդունել է ՀԳՊԱ պրոֆեսորադասախոսական կազմին /ՏԵՍԱՆՅՈՒԹ/
Նոյեմբերի 22-ին ՀՀ ոստիկանության պետ Վալերիյ Օսիպյանն ընդունեց Հայաստանի գեղարվեստի պետական ակադեմիայի պրոֆեսորադասախոսական կազմին՝ ռեկտորի տեղակալ Մկրտիչ Այվազյանի գլխավորությամբ:
Ակադեմիայի դասախոսները ոստիկանության պետին ներկայացրին ստեղծվելիք ոստիկանության շարժական պարեկային ծառայության նոր համազգեստի գծանշումներ և ծառայողական մեքենաների արտաքին ձևավոևման օրինակներ:
Համազգեստի նմուշների վրա աշխատել են Հայաստանի գեղարվեստի պետական ակադեմիայի ուսանողները՝ ուսումնասիրելով եվրոպական մի շարք երկրների և ԱՄՆ պարեկային ծառայողների համզգեստների առանձնահատկությունները:
Շնորհակալություն հայտնելով արդեն արվածի համար, ոստիկանության պետն արեց առաջարկներ և հորդորեց շարունակել աշխատանքը, որպեսզի ունենանք պարեկայինի այնպիսի համազգեստ, որ այլ երկրներ օրինակ վերցնեն մեզնից՝ հայկականից:
Վերջնական տարբերակների վերաբերյալ կտրվի համապատասխան տեղեկատվություն:
