Պատահարներ Երևանում և հանրապետության ավտոճանապարհներին

Դեկտեմբերի 24-ին, ժամը 04.10-ին, «Տոյոտա» մակնիշի ավտոմեքենան բախվել է Երևանի Չարենցի փողոցի թիվ 113/1 տան պատին, ինչի հետևանքով ավտոմեքենան այրվել է, իսկ վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Դեկտեմբերի 24-ին, ժամը 17.00-ին, Երևանի Նալբանդյան և Իսահակյան փողոցների խաչմերուկում իրար են բախվել «Օպել», «Նիսան» և «Մերսեդես Բենց» մակնիշի ավտոմեքենաներ:
«Օպել»-ի ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:

***
Դեկտեմբերի 24-ին, ժամը 21.30-ին, «Օպել» մակնիշի ավտոմեքենայի վարորդը Երևանի Սայաթ-Նովայի պողոտայի և Խանջյան փողոցի խաչմերուկում վրաերթի է ենթարկել 19-ամյա քաղաքացուհու, ով մարմնական վնասվածքներով տեղափոխվել է հիվանդանոց:
Կատարվում է քննություն:

***
Դեկտեմբերի 24-ին, ժամը 15.40-ին, «Միցուբիշի» մակնիշի ավտոմեքենայի վարորդը Երևանի Հ. Հովսեփյան փողոցի թիվ 6 շենքի մոտ վրաերթի է ենթարկել 59-ամյա քաղաքացուհու, ով մարմնական վնասվածքներով տեղափոխվել է հիվանդանոց:
Կատարվում է քննություն:

***
Դեկտեմբերի 24-ին, ժամը 11.00-ին, Երևանի Թբիլիսյան խճուղու թիվ 19 հասցեի դիմաց անհայտ ավտոմեքենայի վարորդը վրաերթի է ենթարկել 16-ամյա 2 քաղաքացուհու, ովքեր մարմնական վնասվածքներով տեղափոխվել են հիվանդանոց:
Ոստիկանության ծառայողների բացատրական աշխատանքների շնորհիվ՝ նույն օրը, ժամը 13.30-ին, ոստիկանություն է ներկայացել «ՎԱԶ-2106»-ի 76-ամյա վարորդը և տվել խոստովանական բացատրություն:
Կատարվում է քննություն:

***
Դեկտեմբերի 24-ին, ժամը 11.35-ի սահմաններում, Աշտարակ քաղաքի Ն. Աշտարակեցու փողոցի վերջնամասում իրար են բախվել «ՎԱԶ-2106» և «ՎԱԶ-2109» մակնիշի ավտոմեքենաներ:
«ՎԱԶ-2109»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Դեկտեմբերի 24-ին, ժամը 15.05-ի սահմաններում, Հուշակերտ-Ղարաղալա ճանապարհի 2-րդ կմ-ին իրար են բախվել «ԳԱԶ-53» և երկու «ՎԱԶ-2106» մակնիշի ավտոմեքենաներ:
«ՎԱԶ-2106»-երից մեկի վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Դեկտեմբերի 24-ին, ժամը 19.00-ի սահմաններում, Սևան-Մարտունի-Գետափ ճանապարհի 4-րդ կմ-ին իրար են բախվել «ՎԱԶ-21093» և «ԲՄՎ-5201» մակնիշի ավտոմեքենաներ:
«ՎԱԶ-21093»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Դեկտեմբերի 24-ին, ժամը 23.00-ին, ոստիկանության Նաիրիի բաժնում հիվանդանոցից հաղորդում է ստացվել, որ «քունքածոծրակային շրջանի սալջարդ վերք» ախտորոշմամբ բուժօգնության է տեղափոխվել 22-ամյա երիտասարդ և հայտնել, որ վնասվածքը ստացել է ավտոմեքենայի սրահում, գլխով հարվածելու հետևանքով:
Մեկնած օպերատիվ խումբը պարզել է, որ երիտասարդը նույն օրը, ժամը 19.30-ի սահմաններում, Եղվարդ քաղաքում իր վարած «Տավրիա» մակնիշի ավտոմեքենայով վթարի է ենթարկվել:
Կատարվում է քննություն: