ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
13.05.2016 18:30
Հանդիպում ՀՀ ոստիկանությունում (ՏԵՍԱՆՅՈՒԹ և ԼՈՒՍԱՆԿԱՐՆԵՐ)
Մայիսի 13-ին ՀՀ ոստիկանության պետի առաջին տեղակալ, ոստիկանության գեներալ-լեյտենանտ Հունան Պողոսյանն ընդունեց Մոլդովայի Հանրապետության ներքին գործերի նախարարի տեղակալ Օլեգ Բաբինի գլխավորած պատվիրակությունը:
Ողջունելով հյուրերին՝ Հունան Պողոսյանը նշեց, որ ընդգրկուն է երկու գերատեսչությունների համար փոխադարձ հետաքրքրություն ներկայացնող հարցերի շրջանակը և հավաստեց գործնական քննարկման՝ հայկական կողմի պատրաստակամությունը:
Օլեգ Բաբինը շնորհակալություն հայտնեց ջերմ ընդունելության համար և ընդգծեց իրավապահ կառույցների փոխհամագործակցության խորացման անհրաժեշտությունը, քանի որ հանցավորությունը ազգություն չունի և սահմաններ չի ճանաչում:
Քննարկվեցին երկու երկրների ոստիկանական կառույցների գործակցությունը և Մոլդովայի Հանրապետության ներքին գործերի նախարարության համակարգում իրականացվող բարեփոխումները:
Հունան Պողոսյանն ընդգծեց ոստիկանական ոլորտում հայ-մոլդովական շփումների ամրապնդման նշանակությունը՝ հանցավորության արդի մարտահրավերների համատեքստում, և կարևորեց ոլորտում երկկողմանի պայմանագրերի անհրաժեշտությունը:
Հանդիպումն անցավ բարեկամական մթնոլորտում:
