ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
30.06.2014 17:34
ԵԱՀԿ երևանյան գրասենյակի պատվիրակությունը ՀՀ ոստիկանությունում. քննարկվել են համայնքային ոստիկանության մոդելի ներդրման կարևորությանն առնչվող հարցեր (ՏԵՍԱՆՅՈՒԹ)
Հունիսի 30-ին ոստիկանության շտաբի պետ, ոստիկանության գեներալ-մայոր Վարդան Եղիազարյանն ընդունեց ԵԱՀԿ երևանյան գրասենյակի պատվիրակությանը, որը գլխավորում էր ռազմաքաղաքական ծրագրերի ղեկավար Լիլիան Շալառուն:
Ոստիկանության գծով միջազգային փորձագետ Դեյվիդ Այենսոնը ներկայացրեց ՀՀ մարզերում համայնքային ոստիկանության մոդելի ներդրման վերաբերյալ իր կողմից կատարված ուսումնասիրություններն ու գործունեության բարելավմանն ուղղված առաջարկությունները: Դեյվիդ Այենսոնը ներկայացրեց նաև հանրապետության մարզերում ոստիկանության 384 ծառայողի համար շուրջ 9 շաբաթ տևողությամբ իր կողմից անցկացված 22 սեմինարների արդյունքները:
Կողմերն ընդգծեցին համայնքային ոստիկանության մոդելի ներդրման կարևորությունը, ինչպես նաև այս ոլորտում միջազգային լավագույն փորձի կիրառման անհրաժեշտությունն ու շարունակականությունը:
Դեյվիդ Այենսոնը ներկայացրեց իր մշակած «Կարիքների գնահատում» ձեռնարկը:
Վարդան Եղիազարյանն իր հերթին կարևորեց ՀՀ ոստիկանության և ԵԱՀԿ երևանյան գրասենյակի համագործակցությունն ու բարձր գնահատեց Դեյվիդ Այենսոնի աշխատանքը:
Հանդիպման ընթացքում քննարկվեցին փոխադարձ հետաքրքրություն ներկայացնող այլ հարցեր ևս:
