Բնակարանային գողությունը բացահայտվել է

Դեկտեմբերի 28-ին, ժամը 20.15-ին ՀՀ ոստիկանության Երևան քաղաքի վարչության օպերատիվ կառավարման կենտրոնից ոստիկանության Մաշտոցի բաժնում հաղորդում է ստացվել, որ բնակարանային գողության վերաբերյալ ահազանգ են ստացել: Զանգահարած քաղաքացին հայտնել է, որ նույն օրը ժամը 15.30-ից 20.00-ն ընկած ժամանակահատվածում, հարմարեցված բանալիով բացել են մուտքի դուռը, մտել ու գողացել դյուրակիր համակարգիչ, վայֆայի սարք, 2 կոնյակ, ձեռքի ժամացույց, ձայնարկիչ և բջջային հեռախոս:
Դեկտեմբերի 29-ին ձեռնարկված օպերատիվ հետախուզական և քննչական միջոցառումների արդյունքում պարզվել է, որ նշված գողությունը կատարել են նախորդ օրը ոստիկանության Արաբկիրի բաժին բերման ենթարկված 23-ամյա Գևորգ Մ.-ն և Արմեն Վ.-ն:
Գողոնն առգրավվել է:
Գևորգ Մ.-ն և Արմեն Վ.-ն ձերբակալված են:
Կատարվում է նախաքննություն:

***

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: