Բազումի ոստիկանները բացահայտել են բնակարանային գողության փորձ (ՏԵՍԱՆՅՈՒԹ, ԼՈՒՍԱՆԿԱՐՆԵՐ)

Հուլիսի 2-ին, Բազումի քրեական հետախույզները տեղեկություններ էին ստացել, որ հուլիսի 1-ին, ժամը 22-ի սահմաններում, Սպիտակ քաղաքի Այգեստանի փողոցի 35-ամյա մի բնակիչ փորձել է գողություն կատարել Աբեղյան փողոցի մի տնից, սակայն անկախ իր կամքից՝ հանցագործությունն ավարտին չի կարողացել հասցնել:
Ձեռնարկված միջոցառումների շնորհիվ նա կասկածանքով բերման է ենթարկվել բաժին: Նաև հրավիրվել է տանտերը և հաղորդում տվել, որ իր տան լոգարանում նկատել է գողության նպատակով բնակարան մտած մի անծանոթի, որի ձեռքին կային լապտեր ու տոպրակ: Տանտերն անծանոթին հրելով դուրս է հանել պատշգամբ, որտեղից նրան հաջողվել է փախչել:
Կասկածյալը տվել է խոստովանական բացատրություն:
Նախապատրաստվում են նյութեր: