Աշտարակի ոստիկաններն ապօրինի թմրամիջոց պահելու և օգտագործելու դեպք են բացահայտել /ՏԵՍԱՆՅՈՒԹ/

Թմրամիջոցների ապօրինի շրջանառության ու թմրամոլության լավագույն կանխարգելումն այդ դեպքերի բացահայտումն է, ինչը համապատասախան պրոֆեսիոնալիզմ և մասնագիտական հմտություն է պահանջում: Հենց այդպիսի մասնագիտական որակների շնորհիվ օրերս ոստիկանության Աշտարակի բաժնի ծառայողները հերթական դեպքը բացահայտեցին:
Հոկտեմբերի 3-ին, ժամը 18-ի սահմաններում, օպերատիվ տվյալներն իրացնելով` Աշտարակի Բագավան թաղամասից, թմրանյութ պահելու և օգտագործելու կասկածանքով, ոստիկանները բերման ենթարկեցին Երևանի Սերո Խանզադյան փողոցի բնակիչ, 49-ամյա տաքսու վարորդի:
Նա իր վարած «Մազդա» մակնիշի մեքենայից իրավապահներին ներկայացրեց կանեփանման չորացված մանրացված զանգված` հայտնելով, որ բուսական զանգվածը կանեփ է, քաղել է Գեղարքունիքի մարզի Վերին Գետաշեն համայնքի վարչական տարածքում վայրի աճած կանեփի թփերից՝ իր օգտագործման համար:
Հայտնաբերվածն առգրավվել է:
Նշանակվել է փորձաքննություն:
Նախապատրաստվում են նյութեր: