Պատահարներ Երևանում և հանրապետության ավտոճանապարհներին

Սեպտեմբերի 24-ին, ժամը 16.15-ին, «Բիուայդի» մակնիշի ավտոմեքենայի վարորդը Երևանի Իսահակյան փողոցի և Մաշտոց պողոտայի խաչմերուկում վրաերթի է ենթարկել 23-ամյա քաղաքացուհու, ով մարմնական վնասվածքներով տեղափոխվել է հիվանդանոց:
Կատարվում է քննություն:

***
Սեպտեմբերի 24-ին, ժամը 17.50-ին, հիվանդանոցից ոստիկանությունում հաղորդում է ստացվել, որ բուժօգնության է դիմել 31-ամյա քաղաքացուհի և հայտնել, որ մարմնական վնասվածքը ստացել է նույն օրը Երևանի Շահումյանի անվան հրապարակում` ավտովթարի հետևանքով:
Կատարվում է քննություն:

***
Սեպտեմբերի 24-ին, ժամը 13.30-ին, «Մերսեդես Բենց» մակնիշի ավտոմեքենայի վարորդը Երևանի Տիգրան Պետրոսյան և Սասնա Ծռեր փողոցների խաչմերուկում վրաերթի է ենթարկել 90-ամյա կնոջ, ով մարմնական վնասվածքներով տեղափոխվել է հիվանդանոց:
Կատարվում է քննություն:

***
Սեպտեմբերի 24-ին, ժամը 18.30-ի սահմաններում, «ՎԱԶ-2109» մակնիշի ավտոմեքենան Նոր Խարբերդ-Մասիս ճանապարհի Երևան-Երասխ մայրուղու հատվածում գտնվող կամրջի մոտ բախվել է «Օպել» մակնիշի ավտոմեքենայի:
«Օպել»-ի 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***
Սեպտեմբերի 24-ին, ժամը 07.40-ի սահմաններում, Արմավիր-Մեծամոր ճանապարհի 5-րդ կմ-ին իրար են բախվել «ԶԻԼ» և «ՊԱԶ» մակնիշի ավտոմեքենաներ:
«ՊԱԶ»-ի 2 ուղևորներ մարմնական վնասվածքներով տեղափոխվել են հիվանդանոց:
Կատարվում է քննություն:

***
Սեպտեմբերի 24-ին, ժամը 01.45-ի սահմաններում, «ԳԱԶ-3102» մակնիշի ավտոմեքենան Գեղարքունիքի մարզի Տրետուք-Մեծ Մասրիկ ճանապարհի 2.5 կ/մ-ին կողաշրջվել է, ինչի հետևանքով ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Սեպտեմբերի 24-ին, ժամը 14.45-ին, Կոտայքի մարզում՝ «Առինջ մոլից» Ջրվեժ տանող ճանապարհին, իրար են բախվել «Դեյվու Մատիս» և «Ինֆինիտի QX4» մակնիշի ավտոմեքենաներ:
Վարորդները և «Ինֆինիտի QX4»-ի ուղևորը «շտապօգնության» խմբի կողմից տեղում ստացել են համապատասխան բուժօգնություն:
Կատարվում է քննություն:

***
Սեպտեմբերի 24-ին, ժամը 18.10-ի սահմաններում, «ՎԱԶ-2106» մակնիշի ավտոմեքենայի վարորդը Գողթ գյուղից Գեղարդ տանող ճանապարհին վրաերթի է ենթարկել 7-ամյա տղայի և տեղափոխել նրան հիվանդանոց:
Կատարվում է քննություն:

***
Սեպտեմբերի 24-ին, ժամը 17.20-ի սահմաններում, Գյումրիի Երևանյան խճուղու թիվ 130/Ա հասցեի դիմաց իրար են բախվել «ՎԱԶ-21124», «Օպել-Վեկտրա» և «ՆԻՍԱՆ» մակնիշի ավտոմեքենաներ:
«ՎԱԶ 21124»-ի ուղևորուհին մարմնական վնասվածքով տեղափոխվել է հիվանդանոց:
Կատարվում է քննություն: