Արարատի ոստիկանների պայքարը ապօրինի թմրաշրջանառության դեմ

Հուլիսի 25-ին, ոստիկանության Արարատի բաժանմունքում տեղեկություններ են ստացվել, որ նախկինում թմրամիջոցների ապօրինի շրջանառության համար մի քանի անգամ դատապարտված 56-ամյա տղամարդը զբաղվում է թմրամոլությամբ և Սուրենավան գյուղի վերջնամասի իր ամառանոցում ապօրինի մշակում և աճեցնում է կանեփի բույսեր:
Նյութերի նախապատրաստման ընթացքում ոստիկանության տարբեր ստորաբաժանումների ծառայողներ զննություն են կատարել տղամարդուն պատկանող կիսակառույց շինությունում, որտեղից հայտնաբերվել է կանեփի 61 բույս։
Հայտնաբերվածը փաթեթավորվել և կնիքվել է փորձաքննության ուղարկելու համար:
Տղամարդը հայտարարել է, որ հայտնաբերվածը թմրանյութ է, պատկանում է իրեն և աճեցրել է իր անձնական օգտագործման համար:
Հետաքննությունը շարունակվում է: