Թիկնապահի և պահնորդի որակավորման ստուգարք ՀՀ ոստիկանության կրթահամալիրում (ՏԵՍԱՆՅՈՒԹ)

Սեպտեմբերի 18-ին ոստիկանության կրթահամալիրում տեղի ունեցավ «թիկնապահի և պահնորդի որակավորման» էլեկտրոնային եղանակով ստուգարք, որն անցկացրեց որակավորման-ստուգման հանձնաժողովը։ Ստուգարքին մասնակցեց 59 թեկնածու, որոնցից 41-ը ստացավ պահնորդի որակավորման վկայական, 8-ը՝ թիկնապահի, իսկ 10 հոգի չկարողացավ հաղթահարել ստուգարքը և ստացավ բացասական գնահատական։ Նախորդ տարվա նոյեմբերին ՀՀ կառավարության որոշմամաբ փոփոխություններ կատարվեցին թիկնապահի և պահնորդի որակավորման ստուգման կարգում և քննական տոմսերը փոխարինվեցին էլեկտրոնային թեստերով։ Ապա մշակվեցին նոր հարցաշարեր և առաջադրանքներ։