Պատահարներ Երևանում և հանրապետության ավտոճանապարհներին

Դեկտեմբերի 15-ին, ժամը 16.00-ին, «Մերսեդես» մակնիշի ավտոմեքենան Երևանի Րաֆֆու փողոցի թիվ 30 հասցեի դիմաց վրաերթի է ենթարկել 15-ամյա տղայի, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Դեկտեմբերի 15-ին, ժամը 12.00-ի սահմաններում, «Մերսեդես Բենց» մակնիշի ավտոմեքենան Արարատի մարզի Այնթապ գյուղի տարածքում դուրս է եկել հանդիպակած երթևեկելի ուղեմաս և հայտնվել դաշտամիջյան ճանապարհին. վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Դեկտեմբերի 15-ին, ժամը 21.00-ի սահմաններում, Երևան-Արմավիր ճանապարհի 25-րդ կմ-ին իրար են բախվել «ՎԱԶ-21134» և «Օպել Աստրա» մակնիշի ավտոմեքենաներ, ինչի հետևանքով վերջինիս վարորդը և ուղևորուհին մարմնական վնասվածքներով տեղափոխվել են հիվանդանոց:
Կատարվում է քննություն:

***
Դեկտեմբերի 15-ին, ժամը 15.30-ին, «ՎԱԶ-21214» մակնիշի ավտոմեքենան Գավառի Բոշնաղյան փողոցում բախվել է «ՎԱԶ-2121»-ի, ինչի հետևանքով վերջինս կորցրել է կառավարումը և վրաերթի ենթարկել հետիոտն, 1955 թ. ծնված Էմմա Հ.-ին, որը մարմնական վնասվածքով դիմել է հիվանդանոց:
Կատարվում է քննություն:

***
Դեկտեմբերի 15-ին, ժամը 11.50-ի սահմաններում, «Ֆոլքսվագեն-Պասսատ» մակնիշի ավտոմեքենան Գյումրիի Տիգրան Մեծի փողոցի թիվ 27 հասցեի դիմաց բախվել է «Օպել»-ի, ինչի հետևանքով վերջինիս վարորդը, ուղևորուհին, և առաջին ավտոմեքենայի 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն: