Երևան-Գյումրի ճանապարհին տեղի ունեցած պատահարի հետևանքով «ԳԱԶել»-ն այրվել է, հայտնաբերվել է 7 կիսաայրված դիակ

Նոյեմբերի 10-ին, ժամը 19.20-ին, 1970 թ. ծնված Մանվել Վարդանյանի վարած «ԿամԱԶ-53202» մակնիշի ավտոմեքենան Երևան-Գյումրի ճանապարհի 107-րդ կմ-ին բախվել է անհայտ վարորդի վարած «ԳԱԶել» մակնիշի ավտոմեքենային:
Պատահարի հետևանքով «ԳԱԶել»-ն այրվել է, հայտնաբերվել է 7 կիսաայրված դիակ, իսկ ուղևորներ՝ 1975 թ. ծնված Կարեն Բաղդասարյանը, 1997 թ. ծնված Հովհաննես Չախոյանը, 1997 թ. ծնված Սամվել Հակոբյանը, 1992 թ. ծնված Ալբերտ Շախնազարյանը, Զարուհի Սիմոնյանը, Էդմոն Սիմոնյանը և Զարուհի Հովհաննիսյանը մարմնական վնասվածքներով տեղափոխվել են «Գյումրի» բժշկական կենտրոն:
Մանվել Վարդանյանը կալանավորված է:
Կատարվում է նախաքննություն: