Ավտոմեքենաներ են բախվել

Փետրվարի 3-ին, ժամը 18.00-ին, Երևանի Արշակունյաց պողոտայի թիվ 57/2 շենքի դիմաց «Ֆորդ» մակնիշի ավտոմեքենան բախվել է «Ինֆինիտի» մակնիշի ավտոմեքենայի, վերջինս էլ՝ «Նիսան» մակնիշի ավտոմեքենայի, որն էլ ինքնաբերաբար ընթանալով` բախվել է անհայտ ավտոմեքենայի:
«Ինֆինիտի»-ի ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:

***
Փետրվարի 3-ին, ժամը 14.30-ին, Երևանի Չարենցի փողոցի թիվ 17 հասցեի դիմաց իրար են բախվել «ԿԱՎԶ», «Հոնդա» և «Մերսեդես-Բենց» մակնիշի ավտոմեքենաներ:
«Հոնդա»-ի ուղևորը մարմնական վնասվածքներով բուժօգնության է դիմել հիվանդանոց:
Կատարվում է քննություն:

***
Փետրվարի 3-ին, ժամը 10.30-ի սահմաններում, Մ-16 միջպետական ճանապարհի 35-րդ կմ-ին` /Կողբ-Նոյեմբերյան/, իրար են բախվել «Օպել-Աստրա» և «Օպել-Զաֆիրա» մակնիշի ավտոմեքենաներ:
«Օպել-Զաֆիրա»-ի ուղևորուհին մարմնական վնասվածքով տեղափոխվել է հիվանդանոց:
Կատարվում է քննություն:

***
Փետրվարի 4-ին, ժամը 01.20-ի սահմաններում, Ծաղկաձոր քաղաքի ռեստորաններից մեկի դիմաց «Օպել Վեկտրա» մակնիշի ավտոմեքենա է բախվել «ԳԱԶ-31» մակնիշի ավտոմեքենայի:
«ԳԱԶ-31»-ի վարորդը մարմնական վնասվածքներով դիմել է հիվանդանոց:
Կատարվում է քննություն:

***
Փետրվարի 3-ին, ժամը 16.00-ի սահմաններում, Երևան-Երասխ ճանապարհին՝ Դիմիտրով գյուղի հատվածում, իրար են բախվել «ՎԱԶ-21063» և «ՎԱԶ-21154» մակնիշի ավտոմեքենաներ:
«ՎԱԶ-21154»-ի 2 ուղևորներ մարմնական վնասվածքներով տեղափոխվել են հիվանդանոց:
Կատարվում է քննություն: