1.400.000 դրամի կենցաղային իրեր

Նոյեմբերի 10-ին, ժամը 10.00-ին, ոստիկանության Իջևանի բաժին է դիմել 1942 թ. ծնված  Սմբատ Ա.-ն` հայտնելով, որ Աչաջուր գյուղում գտնվող, իրեն պատկանող առանձնատան առաջին հարկի մուտքի դուռը կոտրելու և երկրորդ հարկի խոհանոցի դուռը և պատուհանները բացելու միջոցով, գողացել են երկու հեռուստացույց, փոշեկուլ, արդուկ, օղու թորման պղնձյա սարքեր, բենզասղոց, էլեկտրասղոց, փայտամշակման երկու հաստոց և տարբեր կենցաղային իրեր` պատճառելով 1.400.000 դրամի նյութական վնաս:
Ոստիկանության Տավուշի մարզային վարչության և Իջևանի բաժնի ծառայողները նույն օրը, ժամը 22.30-ին, պարզել են, որ գողությունը կատարել են Վազգեն Ա.-ն, Արմեն և Կարո Բ.-երը:
Գողոնն առգրավված է:
Կատարվում է նախաքննություն: