Օպերատիվ իրավիճակը հանրապետությունում հոկտեմբերի 2-ից 3-ը (ՏԵՍԱՆՅՈՒԹ)

Ըստ ոստիկանության օպերատիվ հաղորդագրությունների ամփոփագրերի` հոկտեմբերի 2-ից 3-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 83 դեպք, որոնցից 9-ը՝ նախկինում կատարված։
Մասնավորապես՝ խարդախության՝ 21, յուրացման կամ վատնման` 12, անձնական ունեցվածքի գողության՝ 9, մարմնական վնասվածք հասցնելու՝ 8, թմրամիջոցի հայտնաբերման և պաշտոնեական լիազորությունների չարաշահման՝ 4-ական, ծեծի ու սպանության սպառնալիքի՝ 3-ական, թմրամիջոցներ փոխադրելու կանոնները խախտելու՝ 2, կողոպուտի, զենք-զինամթերքի առգրավման, ապօրինի ծառահատման, մշակումն արգելված թմրանյութեր պարունակող բույսեր աճեցնելու, պետական սահմանն ապօրինի հատելու, սուտ մատնության, ինքնիրավչության, կեղծ ընտրական քվեաթերթիկներ կամ քվեարկության ծրարներ պատրաստելու կամ ակնհայտ կեղծ ընտրական քվեաթերթիկներ կամ քվեարկության ծրարներ հանձնելու կամ իրացնելու և անհետաձգելի միջամտության որոշման պահանջը դիտավորությամբ չկատարելու 1-ական դեպք։
Հայտնաբերվել է 3 հետախուզվող, կամավոր ներկայացել է 1-ը:
Նախկինում կատարված հանցագործություններից բացահայտվել է անձնական ունեցվածքի գողության՝ 5, մարմնական վնասվածք հասցնելու՝ 3 և բնակարանային գողության 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 18 պատահար, ինչի հետևանքով 19 մարդ ստացել է տարբեր աստիճանի մարմնական վնասվածքներ: