Վաղարշապատի ոստիկանները բացահայտել են կողոպուտ

Հունիսի 18-ին, ժամը 02.00-ին, Վեդի քաղաքի 20-ամյա մի բնակչուհի բանավոր հաղորդում էր տվել, որ նախորդ օրը Էջմիածին քաղաքի մի զբոսայգու սկզբնամասում անհայտ անձն իր պարանոցից բացահայտ հափշտակել է ոսկյա շղթան ու դիմել փախուստի:
Ոստիկանության Վաղարշապատի բաժնի ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ կողոպուտը կատարել է Գեղակերտ գյուղի բնակիչ, 16-ամյա մի պատանի: Վերջինս ներկայացել է բաժին, տվել բացատրություն և բաց թողնվել:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: