Սևանի ոստիկանները բացահայտեցին բնակարանային գողությունները

Ոստիկանության Սևանի բաժնում ստացված օպերատիվ տեղեկություններն իրացնելիս, գողություն կատարելու կասկածանքով, մայիսի 11-ին, ժամը 12.20-ին, Սևան քաղաքի Նաիրյան փողոցից բերման է ենթարկվել 1999 թ. ծնված Էդմոն Հ.-ն, որը տվել է խոստովանական բացատրություն, որ 2017թ. աշնանը ննջասենյակի պատը քանդելու միջոցով մուտք է գործել Սևան քաղաքի Չարենցի փողոցում գտնվող մի տուն և գողացել թուջե 5 խողովակ, ննջասենյակի ու հյուրասենյակի շուրջ 25 մխ մանրահատակ, նաև 2018թ. ընթացքում նույն եղանակով մուտք է գործել նշված տուն և գողացել մոտ 30 մ հոսանքի պղնձալար, իսկ գարնանը գողացել է փայտյա պատուհանը՝ շրջանակով, և փայտյա պատուհանի 4 շրջանակ:
Վնասի չափը պարզվում է:
Ձեռնարկվում են միջոցառումներ գողոնը հայտնաբերելու ուղղությամբ:
Նախապատրաստվում են նյութեր:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: