Ջերմուկի ոստիկանների բացահայտումը

Հուլիսի 6-ին հաղորդվել էր, որ հունիսի 17-ից մինչ այդ օրը, օգտվելով բաց դռների և պատուհանների հանգամանքից, «Արփա Առողջարանային Կենտրոնի» կիսաքանդ, չգործող շինությունից գողացել են 12 հատ էլեկտրական շարժիչ:
Հուլիսի 11-ին, ժամը 03.50-ին, Ջերմուկի Մելիք Ադամյան փողոցից, գողություն կատարելու կասկածանքով, Ջերմուկի ոստիկանները բերման են ենթարկել երեք երիտասարդի՝ «ՎԱԶ-21011» մակիշի մեքենայով հանդերձ:
Մեքենայի զննությամբ բեռնախցիկից հայտնաբերվել է 15 ԿՎ հզորությամբ էլեկտրական շարժիչ:
Պարզվել է, որ երիտասարդները հերթական շարժիչը գողացել են հուլիսի 10-ին, նույն՝ «Արփա առողջարանային կենտրոնի» շենքի առաջին հարկից:
Գողոնն առգրավված է: Նախաքննությունը շարունակվում է: