Պատահարներ ավտոճանապարհներին

Հուլիսի 29-ին, ժամը 15.15-ին, Երևանի Զաքյան և Մ. Խորենացու փողոցների խաչմերուկում իրար են բախվել «Ռենո» և «Միցուբիշի» ավտոմեքենաներ, ինչի հետևանքով երկրորդ ավտոմեքենայի վարորդը մարմնական վնասվածքներով դիմել է հիվանդանոց:
Կատարվում է հետաքննություն:

***
Հուլիսի 30-ին, ժամը 17.20-ին, «Յագուար» մակնիշի ավտոմեքենան Երևանի Գ. Մահարու և Խ. Դաշտենցի փողոցների խաչմերուկում վրաերթի է ենթարկել 1986 թ. ծնված Տաթևիկ Մ.-ին, որը մարմնական վնասվածքներով տեղափոխվել է հիվանդանոց:
Կատարվում է հետաքննություն:

***

Հուլիսի 30-ին, ժամը 21.15-ի սահմաններում, «ՎԱԶ-2106» մակնիշի ավտոմեքենան Արմավիրի մարզի Այգևան-Սարդարապատ ճանապարհի սկզբնամասում բախվել է ճանապարհի աջակողմյան մասում կայանված «ՎԱԶ-2101» և «Օպել Վեկտրա» ավտոմեքենաների, ինչի հետևանքով երկու ավտոմեքենաների արանքում կանգնած Ռ. Մարտիրոսյանը և վերջինիս որդին մարմնական վնասվածքներով տեղափոխվել են հիվանդանոց:
Կատարվում է հետաքննություն:

***

Հուլիսի 30-ին ժամը 16.30-ի սահմաններում, Սևանի թերակղզու տարածքում «Նիսսան Առմադա» ավտոմեքենան բախվել է «Օպել»-ի և վրաերթի ենթարկել ավտոմեքենայի մոտ կանգնած Լ. Աբրահամյանին, Ս. Ազիզյանին և Լ. Գրիգորյանին, ովքեր վնասվածքներով տեղափոխվել են հիվանդանոց:
Նախապատրաստվում են նյութեր:

***
Հուլիսի 30-ին, ժամը 19.30-ի սահմաններում, «ՎԱԶ-2105» մակնիշի ավտոմեքենան Կապան-Նորաշենիկ ճանապարհի 17-րդ կմ-ին դուրս է եկել երթևեկելի գոտուց և գլորվել ձորը. վարորդը վնասվածքով տեղափոխվել հիվանդանոց:
Նախապատրաստվում են նյութեր:

***
Հուլիսի 30-ին, ժամը 11-ի սահմաններում, Բերդ քաղաքի Մաշտոցի փողոցի թիվ 33 հասցեում իրար են բախվել «ՎԱԶ-2107» և «ՈւԱԶ-469» ավտոմեքենաները, ինչի հետևանքով երկրորդ ավտոմեքենայի վարորդը մարմնական վնասվածքով տեղափոխվել է հիվանդանոց:
Նախապատրաստվում են նյութեր:

***
Հուլիսի 30-ին, ժամը 19-ի սահմաններում, «ՎԱԶ-2107» ավտոմեքենան Բերդ-Ճամբարակ ճանապարհի 17-րդ կմ-ում գլորվել է ձորը, ինչի հետևանքով վարորդը և 5 ուղևորներ մարմնական վնասվածքներով տեղափոխվել են հիվանդանոց:
Նախապատրաստվում են նյութեր: