Պատահարներ Երևանում և հանրապետության ավտոճանապարհներին

Հունիսի 2-ին, ժամը 22.30-ին, «ՎԱԶ-2115» մակնիշի ավտոմեքենայի վարորդը Երևանի Տ.Պետրոսյան փողոցի թիվ 2/Բ շենքի դիմաց վրաերթի է ենթարկել 33-ամյա քաղաքացուհու, ով մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 2-ին, ժամը 12.00-ին, Երևանի Տիգրան Մեծի պողոտայի թիվ 28 շենքի դիմաց անհայտ ավտոմեքենայի վարորդը վրաերթի է ենթարկել 55-ամյա կնոջ, ով մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 30-ին, ժամը 18.40-ին, հիվանդանոցից ոստիկանության Արաբկիրի բաժնում հաղորդում էր ստացվել, որ «պոլիտրավմա» ախտորոշմամբ բուժօգնության է տեղափոխվել 46-ամյա կին, ով հայտնել էր, որ Երևանի Ա. Ավետիսյան փողոցում վայր է ընկել:
Պարզվել է, որ կնոջը Գյուլբենկյան և Ա. Ավետիսյան փողոցների խաչմերուկում վրաերթի է ենթարկել «Հունդայի» մակնիշի ավտոմեքենա, որի վարորդը հունիսի 2-ին, ժամը 20.00-ին, բերման է ենթարկվել բաժին և տվել խոստովանական բացատրություն:
Կատարվում է քննություն:

***
Հունիսի 2-ին, ժամը 11.00-ին, Երևանի Թբիլիսյան խճուղու թիվ 20 հասցեի մոտ իրար են բախվել «Օպել», «Հոնդա» և «Տոյոտա» մակնիշի ավտոմեքենաներ:
«Տոյոտա»-ի 4 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***
Հունիսի 2-ին, ժամը 17.00-ի սահմաններում, Աշտարակի Երևանյան փողոցի թիվ 2 հասցեի դիմաց «ՎԱԶ-21214» մակնիշի ավտոմեքենան դուրս է եկել երթևեկելի գոտուց և բախվել ծառի:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 2-ին, ժամը 15.50-ին, Երևան-Գյումրի ճանապարհի 54-րդ կմ-ին «ՎԱԶ-2106» մակնիշի ավտոմեքենա է կողաշրջվել, ինչի հետևանքով ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 2-ին, ժամը 23.00-ի սահմաններում, Երևան-Երասխ ճանապարհի 17-րդ կմ-ին «ՎԱԶ-2106» մակնիշի ավտոմեքենա է բախվել «ԲՄՎ X5» մակնիշի ավտոմեքենայի:
«ՎԱԶ-2106»-ի վարորդը մարմնական վնասվածքով տեղափոխվել է հիվանդանոց:
Կատարվում է քննություն:

***
Հունիսի 2-ին, ժամը 13.00-ի սահմաններում, Սևան-Երևան ճանապարհին իրար են բախվել «ՎԱԶ-2108» և «ՈւԱԶ» մակնիշի ավտոմեքենաներ, ինչի հետևանքով վարորդները մարմնական վնասվածքներով դիմել են հիվանդանոց:
Կատարվում է քննություն:

***
Հունիսի 3-ին, ժամը 01.15-ի սահմաններում, Երևան-Սևան ճանապարհի 34-րդ կմ-ին «ԲՄՎ-3» մակնիշի ավտոմեքենան սահել և շրջվել է ճանապարհի մեջտեղի կանաչապատ գոտու մեջ, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Հունիսի 2-ին, ժամը 14.30-ի սահմաններում, Կապան-Քաջարան ճանապարհի 1-ին կմ-ին «Լեքսուս» մակնիշի ավտոմեքենան բախվել է «Լադա Կալինա» մակնիշի ավտոմեքենայի:
«Լադա Կալինա»-ի վարորդը և 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն: