Պատահարներ Երևանում և հանրապետության ավտոճանապարհներին

Մարտի 5-ին, ժամը 14.00-ին, «ԳԱԶ-3110» մակնիշի ավտոմեքենայի վարորդը Աշտարակի խճուղու թիվ 1 հասցեի դիմաց վրաերթի է ենթարկել 55-ամյա կնոջ և նրան տեղափոխել հիվանդանոց:
Կատարվում է քննություն:

***
Մարտի 5-ին, ժամը 04.20-ին, «Տոյոտա» մակնիշի ավտոմեքենան Երևանի Կասյան փողոցի թիվ 5 հասցեի դիմաց բախվել է Կասյան փողոցը Բաղրամյան պողոտային միացնող կամրջի երկաթյա սյուներին, ինչի հետևանքով 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***
Մարտի 5-ին, ժամը 18.10-ին, «ՎԱԶ 2107» մակնիշի ավտոմեքենայի վարորդը Երևանի Ծովակալ Իսակովի պողոտայի և Էջմիածնի հին խճուղու խաչմերուկում վրաերթի է ենթարկել 54-ամյա տղամարդու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Փետրվարի 5-ին, ժամը 21.00-ի սահմաններում, Աշտարակ-Ապարան ճանապարհի 39-րդ կ/մ-ին «Շեվրոլետ Նիվա» մակնիշի ավտոմեքենան դուրս է եկել ճանապարհի բանուկ մասից, հարվածել ճամփեզրի բետոնե պատնեշին և շրջվել, ինչի հետևանքով վարորդը մարմնական վնասվածքով տեղափոխվել է հիվանդանոց:
Կատարվում է քննություն:

***
Մարտի 5-ին, ժամը 21.20-ի սահմաններում, Արարատ քաղաքի Շահումյան փողոցում «ՎԱԶ-2105» մակնիշի ավտոմեքենա է դուրս եկել ճանապարհի երթևեկելի մասից և բախվել խանութի պատին, ինչի հետևանքով վարորդը և 3 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***
Մարտի 5-ին, ժամը 14.00-ի սահմաններում, Էջմիածին-Երևան ճանապարհի 10-րդ կմ-ին իրար են բախվել «ՎԱԶ-21010», «Միցուբիշի Պաջերո Լ 200» և «ՎԱԶ-2107» մակնիշի ավտոմեքենաներ:
«Միցուբիշի Պաջերո Լ 200»-ի ուղևորը մարմնական վնասվածքով տեղափոխվել է հիվանդանոց:
Կատարվում է քննություն:

***
Մարտի 5-ին, ժամը 14.25-ի սահմաններում, Արմավիրի մարզի Գայ գյուղի վերջնամասում «Ֆորդ Տրանզիտ» մակնիշի ավտոմեքենան դուրս գալով հանդիպակաց ուղեմաս` փորձել է հետադարձ կատարել, այնուհետև խոչընդոտ է ստեղծել հետևից երթևեկող «Տոյոտա Պրադո» մակնիշի ավտոմեքենային և վերջինս «Ֆորդ» մակնիշի ավտոմեքենայի հետ բախվելուց խուսափելու նպատակով դուրս է եկել հանդիպակաց ուղեմաս, բախվել գետնին ամրացված մետաղյա ձողին ու շրջվել:
«Տոյոտա Պրադո»-ի վարորդը մարմնական վնասվածքով դիմել է հիվանդանոց:
Կատարվում է քննություն:

***
Մարտի 5-ին, ժամը 15.25-ի սահմաններում, Արմավիրի մարզի Շահումյան գյուղում «Մերսեդես C» մակնիշի ավտոմեքենան բախվել է Ջիվանու փողոցի թիվ 40 տան պատին:
Վարորդը մարմնական վնասվածքով բուժօգնության է դիմել հիվանդանոց:
Կատարվում է քննություն:

***
Մարտի 5-ին, ժամը 18.30-ի սահմաններում, Երևան-Մեղրի ճանապարհի 92-րդ կմ-ին` Արարատի մարզի Զանգակատուն գյուղի հատվածում, «Օպել Աստրա» մակնիշի ավտոմեքենա է դուրս եկել երթևեկելի գոտուց դեպի աջ, բախվել ճամփեզրի քարերին:
Վարորդը մարմնական վնսավածքներով տեղափոխվել է հիվանդանոց:
Կատարվում է քննություն: