Պատահարներ Երևանում և հանրապետության ավտոճանապարհներին

Մայիսի 27-ին, ժամը 10.00-ին, Երևանի Մյասնիկյանի պողոտայում` Ավանի կամրջի հարևանությամբ, «ՎԱԶ-2107» մակնիշի ավտոմեքենայի վարորդը վրաերթի է ենթարկել 18-ամյա աղջկա, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 27-ին, ժամը 16.30-ի սահմաններում, «Օպել» մակնիշի ավտոմեքենան Երևանի Բաբաջանյան պողոտայի թիվ 15/1 հասցեի դիմաց բախվել է «Նիսան» մակնիշի ավտոմեքենայի, ինչի հետևանքով վարորդները մարմնական վնասվածքներով տեղափոխվել են հիվանդանոց:
Կատարվում է քննություն:

***
Մայիսի 28-ին, ժամը 11.00-ի սահմաններում, Երևանի Մաշտոցի պողոտայի թիվ 29 շենքի մոտ «Ֆոլքսվագեն» մակնիշի ավտոմեքենայի վարորդը վրաերթի է ենթարկել 58-ամյա կնոջ, այնուհետև բախվել նույն շենքի մոտ կայանված «ԲՄՎ» մակնիշի ավտոմեքենայի:
Վրաերթի ենթարկված կինը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 27-ին, ժամը 21.40-ին, Երևանի Ռոստովյան և Աթոյան փողոցների խաչմերուկում իրար են բախվել «Ռենո» և «ՎԱԶ-2106» մակնիշի ավտոմեքենաներ:
«ՎԱԶ-2106»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 27-ին, ժամը 05.10-ին, հիվանդանոցից Ճանապարհային ոստիկանության հերթապահ մաս հաղորդում է ստացվել, որ վնասվածքներով բուժօգնության է դիմել 45-ամյա տղամարդ:
Պարզվել է, որ նա վրաերթի է ենթարկվել Երևանի Նանսենի փողոցում` իրենց շենքի բակում, իրեն պատկանող «Ֆոլքսվագեն» մակնիշի ավտոմեքենայի ինքնաբերաբար շարժվելու հետևանքով:
Կատարվում է քննություն:

***
Մայիսի 27-ին, ժամը 12.00-ին, Երևանի Սարալանջի ճանապարհի և Տերյան փողոցի խաչմերուկում, թիվ 43 երթուղու «ԳԱԶ-32213» մակնիշի միկրոավտոբուսի սրահում, 5-ամյա տղա է վայր ընկել և մարմնական վնասվածքներով տեղափոխվել հիվանդանոց:
Կատարվում է քննություն:

***
Մայիսի 28-ին, ժամը 03.40-ին, հիվանդանոցից Ճանապարհային ոստիկանություն հաղորդում է ստացվել, որ Էրեբունու զանգվածի տարածքում տեղի ունեցած ավտովթարի հետևանքով «աջ բազկի մակերեսային սալջարդ» վնասվածքով բուժօգնության է դիմել 36-ամյա տղամարդ:
Կատարվում է քննություն:

***
Մայիսի 28-ին, ժամը 19.05-ին, «ՎԱԶ-21154» մակնիշի ավտոմեքենայի վարորդը Երևանի Շահումյանի 17-րդ փողոցի թիվ 10 տան դիմաց վրաերթի է ենթարկել 6-ամյա տղայի, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 27-ին, ժամը 08.30-ին, Եղվարդի խճուղու և Տիգրան Պետրոսյան փողոցի խաչմերուկում իրար են բախվել «Հոնդա» և «ՎԱԶ-2106» մակնիշի ավտոմեքենաներ:
«ՎԱԶ-2106»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 28-ին, ժամը 16.50-ի սահմաններում, Սևան-Երևան ճանապարհի 29-րդ կմ-ին «Օպել Աստրա» մակնիշի ավտոմեքենան դուրս է եկել երթևեկելի գոտուց և բախվել ճամփեզրի ծառին, ինչի հետևանքով 2 ուղևորները մարմնական վնասվածքներով դիմել են հիվանդանոց:
Կատարվում է քննություն:

***
Մայիսի 28-ին, ժամը 19.30-ի սահմաններում, «ՎԱԶ-2106» մակնիշի ավտոմեքենայի վարորդը Կապանի Հ. Ավետիսյան փողոցում վրաերթի է ենթարկել 4-ամյա տղայի, իր ավտոմեքենայով նրան տեղափոխել հիվանդանոց և ինքնակամ ներկայացել բաժին:
Կատարվում է քննություն:

***
Մայիսի 28-ին, ժամը 14.30-ի սահմաններում, Ստեփանակերտ-Գորիս ճանապարհի 83-րդ կմ-ին «ԿամԱԶ-53212» մակնիշի ավտոմեքենան բախվել է «ՎԱԶ-211002» մակնիշի ավտոմեքենայի:
«ՎԱԶ-211002»-ի վարորդը և 4 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***
Մայիսի 28-ին, ժամը 20.00-ի սահմաններում, Երևան-Սևան-Իջևան ճանապարհի 145-րդ կմ-ին «Մոսկվիչ-2141» մակնիշի ավտոմեքենան դուրս է եկել երթևեկելի գոտուց և բախվել ծառի, ինչի հետևանքով ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 27-ին, ժամը 23.30-ի սահմաններում, Երևան-Մեղրի ճանապարհի 125-րդ կմ-ին «Դեու» մակնիշի ավտոմեքենան բախվել է կայանված «ԿռԱԶ-256Բ1» մակնիշի ավտոմեքենայի կցորդի հետնամասին:
«Դեու»-ի վարորդը մարմնական վնասվածքով տեղափոխվել է հիվանդանոց:
Կատարվում է քննություն:

***
Մայիսի 28-ին, ժամը 12.45-ին, Ապարան-Աշտարակ ճանապարհի 9-րդ կմ-ին «Նիսան» մակնիշի ավտոմեքենան բախվել է մայթեզրի մոտ կայանված «Մերսեդես E 220» մակնիշի ավտոմեքենայի, որի սրահում գտնվող 59-ամյա տղամարդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մայիսի 28-ին, ժամը 12.30-ի սահմաններում, Սևան-Մարտունի-Գետափ ճանապարհի 59.5-րդ կմ-ին «Ֆոլքսվագեն Գոլֆ» մակնիշի ավտոմեքենայի վարորդը վրաերթի է ենթարկել 8-ամյա տղայի, իր ավտոմեքենայով նրան տեղափոխել հիվանդանոց և ներկայացել բաժին:
Կատարվում է քննություն:

***
Մայիսի 29-ին, ժամը 00.10-ին, ոստիկանության Բազումի բաժնում ահազանգ է ստացվել, որ անհայտ ավտոմեքենայի վարորդը մի խանութի դիմաց վրաերթ է կատարել:
Մեկնած օպերատիվ խումբը պարզել է, որ նույն օրը, ժամը 00.05-ի սահմաններում, անհայտ ավտոմեքենայի վարորդը Տիգրան Մեծի պողոտայի թիվ 75 շենքի դիմաց վրաերթի է ենթարկել 33-ամյա քաղաքացուհու և դիմել փախուստի:
Տուժողը մարմնական վնասվածքներով տեղափոխվել է հիվանդանոց:
Ձեռնարկվում են միջոցառումներ վրաերթ կատարած վարորդին ու ավտոմեքենան հայտնաբերելու ուղղությամբ:
Կատարվում է քննություն:

***

Մայիսի 17-ին, ժամը 12.45-ին, հիվանդանոցից ոստիկանության Արարատի բաժնում հաղորդում էր ստացվել, որ Վեդի քաղաքի Արարատյան-Կասյան փողոցների խաչմերուկում վրաերթի է ենթարկվել 29-ամյա Զոհրաբ Ա.-ն /հոգեկան հիվանդ/:
Մեկնած օպերատիվ խմբին Զոհրաբ Ա.-ի եղբայրը` 1980 թ. ծնված Մարտին Ա.-ն, և 1941 թ. ծնված Սպիվակ Ա.-ն հայտնել են, որ իրենց կովերին դաշտից տուն վերադարձնելիս` կովերից մեկը հարվածել է ճանապարհին կանգնած, Սպիվակ Ա.-ին պատկանող «ՎԱԶ-2102» մակնիշի ավտոմեքենայի դիմապակուն` վնասելով այն, իսկ Զոհրաբ Ա.-ն «ուղեղի ցնցում հարցականով, ձեռքի քերծվածք» ախտորոշմամբ մարմնական վնասվածքը ստացել է վազելիս սայթաքելու և վայր ընկնելու հետևանքով:
Ոստիկանության ծառայողները պարզել են, որ Զոհրաբ Ա.-ն մարմնական վնասվածքը ստացել է ոչ թե վայր ընկնելու, այլ Սպիվակ Ա.-ի կողմից հիշյալ ավտոմեքենայով վրաերթի ենթարկելու հետևանքով:
Ձեռնարկվում են միջոցառումներ Սպիվակ Ա.-ին և ավտոմեքենան հայտնաբերելու ուղղությամբ:
Կատարվում է քննություն: