Պատահարներ Երևանում և հանրապետության ավտոճանապարհներին

Հունվարի 28-ին, ժամը 16.30-ին, Երևանի Կասյան փողոցի թիվ 10 շենքի դիմաց «Կավասակի» մակնիշի մոտոցիկլետ է կողաշրջվել:
Վարորդը մարմնական վնասվածքներով բուժօգնության է դիմել հիվանդանոց:
Կատարվում է քննություն:

***
Հունվարի 28-ին, ժամը 18.30-ին, Երևանի Դավիթ-Բեկի փողոցի թիվ 204/1 հասցեի դիմաց «Տոյոտա» մակնիշի ավտոմեքենա է բախվել է գազատար խողովակների հենասյուններին:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունվարի 27-ին, ժամը 09.10-ին, «Մերսեդես Բենց» մակնիշի ավտոմեքենան Երևանի Չարենցի փողոցի թիվ 18 հասցեի դիմաց վրաերթի է ենթարկել 39-ամյա տղամարդու, ով մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունվարի 27-ին, ժամը 01.00-ին, Երևանի Մայիսի 9-ի փողոցի թիվ 14/4 հասցեի դիմաց «Ֆորդ» մակնիշի ավտոմեքենա է բախվել «Մերսեդես Բենց»-ի, ինչի հետևանքով վերջինս բախվել է մայթեզրի մոտ կայանված «ԲՄՎ» մակնիշի ավտոմեքենայի:
«Մերսեդես Բենց»-ի վարորդը մարմնական վնասվածքով բուժօգնության է դիմել հիվանդանոց:
Կատարվում է քննություն:

***
Հունվարի 27-ին, ժամը 09.20-ին, ոստիկանության ծառայողներից մեկը Երևանի Սեբաստիայի փողոցով երթևեկելիս նկատել է, որ Սեբաստիայի և Րաֆֆու փողոցների խաչմերուկում «Օպել Աստրա Ջի» մակնիշի ավտոմեքենայի վարորդը վրաերթի է ենթարկել մի քաղաքացու և ոտքի մասում պատճառել վնասվածք:
Ժամը 09.30-ին ավտոմեքենայի վարորդը բերման է ենթարկվել բաժին:
Կատարվում է քննություն:

***

Հունվարի 27-ին, ժամը 21.10-ին, «ԲՄՎ» մակնիշի ավտոմեքենան Երևանի Շերամի փողոցի թիվ 111/6 հասցեի դիմաց վրաերթի է ենթարկել 59-ամյա տղամարդու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունվարի 27-ին, ժամը 21.30-ին, «Օպել» մակնիշի ավտոմեքենայի վարորդը Ջրվեժի Մայակ թաղամասի թիվ 2 հասցեի դիմաց վրաերթի է ենթարկել 28-ամյա քաղաքացուհու, ով մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունվարի 27-ին, ժամը 11.20-ի սահմաններում, «ՎԱԶ-21102» մակնիշի ավտոմեքենայի վարորդը Արմավիր քաղաքի թիվ 2 դպրոցի դիմաց` հետիոտնային անցման հատվածում, վրաերթի է ենթարկել 6-ամյա աղջկա և նրան տեղափոխել հիվանդանոց:
Կատարվում է քննություն:

***
Հունվարի 27-ին, ժամը 08.50-ի սահմաններում, Վաղարշապատի Օրջոնիկիձե-Կույբիշև փողոցների խաչմերուկում իրար են բախվել «ԳԱԶ-31029» և «Նիսան Մարչ» մակնիշի ավտոմեքենաներ:
«ԳԱԶ-31029»-ի ուղևորուհին մարմնական վնասվածքով դիմել է հիվանդանոց:
Կատարվում է քննություն:

***
Հունվարի 27-ին, ժամը 00.30-ի սահմաններում, Երևան-Սևան ճանապարհի 18-րդ կմ-ին «Ռենջ Ռովեր» մակնիշի ավտոմեքենան մերկասառույցի հետևանքով հարվածել է հողաթմբին: Ավտոմեքենան տեղափոխվել է ներանորոգման, իսկ վարորդը բուժօգնության է դիմել հիվանդանոց:
Կատարվում է քննություն: