Ճանապարհատրանսպորտային պատահարներ հանրապետությունում

Մարտի 25-ին, ժամը 09.30-ին, Երևանի Սարալանջի փողոցում իրար են բախվել «Ինֆինիտի», «Օպել», «Նիսան» և «Տոյոտա» մակնիշի ավտոմեքենաներ. «Նիսան»-ի 46-ամյա վարորդը և երկու ուղևորները, «Տոյոտա»-ի երկու ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։

***

Մարտի 25-ին, ժամը 18.00-ին, «Օպել» մակնիշի ավտոմեքենան Երևան-Սևան ճանապարհին (Չայնի ոլորաններ) ինքնավթարի է ենթարկվել. 23-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն։

***

Մարտի 25-ին, ժամը 08.35-ին, «Օպել» մակնիշի ավտոմեքենայի վարորդը Երևանի Էրեբունի և Ազատամարտիկների փողոցների խաչմերուկում վրաերթի է ենթարկել 46-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Մարտի 25-ին, ժամը 13.30-ին, «ԲՄՎ» մակնիշի ավտոմեքենայի վարորդը Երևանի Աճառյան և 3-րդ փողոցների խաչմերուկում վրաերթի է ենթարկել 19-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Մարտի 25-ին, ժամը 15.05-ին, հիվանդանոցից ոստիկանության Քանաքեռ-Զեյթունի բաժին հաղորդում է ստացվել, որ մարմնական վնասվածքներով իրենց մոտ բուժօգնության է դիմել 28-ամյա քաղաքացի, որը հայտնել է, որ վնասվածքը ստացել է մարտի 24-ին, ժամը 19.00-ին, Գեղարքունիքի մարզի Ծովագյուղ գյուղի մոտակայքում՝ ավտոմեքենայի շրջվելու հետևանքով:
Կատարվում է քննություն։

***

Մարտի 25-ին, ժամը 20.40-ի սահմաններում, «Օպել» մակնիշի ավտոմեքենայի վարորդը Աշտարակ քաղաքի Ն. Աշտարակեցու փողոցում վրաերթի է ենթարկել 67-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Մարտի 25-ին, ժամը 15.40-ի սահմաններում, Արմավիրի մարզի Արշալույս գյուղում իրար են բախվել «Մերսեդես» և «ՎԱԶ-2107» մակնիշի ավտոմեքենաներ. «ՎԱԶ-2107»-ի 30-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***

Մարտի 25-ին, ժամը 11.20-ի սահմաններում, «ՎԱԶ-21102» մակնիշի ավտոմեքենայի վարորդը Սևան քաղաքի Շինարարների և Նաիրյան փողոցների խաչմերուկում վրաերթի է ենթարկել 67-ամյա քաղաքացու, որը մարմնական վնասվածքներով տեղափոխել է հիվանդանոց:
Կատարվում է քննություն։

***

Մարտի 25-ին, ժամը 19.40-ին, հիվանդանոցից ոստիկանության Թումանյանի բաժին հաղորդում է ստացվել, որ մարմնական վնասվածքներով բուժօգնության է դիմել 25-ամյա քաղաքացի, որը հայտնել է, որ վնասվածքները ստացել է նույն օրը Ալավերդի քաղաքում քայլելիս ինքնազգացողությունը վատանալու պատճառով ընկնելու հետևանքով:
Պարզվել է, որ նույն օրը, ժամը 18.20-ի սահմաններում, Ալավերդի քաղաքի Թումանյան փողոցում «ՎԱԶ-2106» մակնիշի ավտոմեքենայի վարորդը վրաերթի է ենթարկել վերոհիշյալ քաղաքացուն, ինչից հետո առաջարկել է տեղափոխել հիվանդանոց, սակայն վերջինս հրաժարվել է։ Սակայն որոշ ժամանակ անց մարմնական վնասվածքներով դիմել է բուժօգնության:
Կատարվում է քննություն։

***

Մարտի 25-ին, ժամը 12.30-ի սահմաններում, «Տոյոտա Վից» մակնիշի ավտոմեքենան Կապան-Քաջարան ճանապարհի 7-րդ կմ-ին դուրս է եկել երթևեկելի գոտուց և բախվել բետոնե պատնեշին. վարորդը և 31-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։