Ճանապարհատրանսպորտային պատահարներ հանրապետությունում

Մարտի 13-ին ոստիկանության Արաբկիրի բաժնի համայնքային ոստիկանները ստացված տվյալներն իրացնելիս պարզել են, որ փետրվարի 22-ին, ժամը 18.10-ին, «ԿԻԱ Օպտիմա» մակնիշի ավտոմեքենայի վարորդը Երևանի Ն.Տիգրանյան և Ն.Զարյան փողոցների խաչմերուկում վրաերթի է ենթարկել 38-ամյա քաղաքացու և նրան պատճառել մարմնական վնասվածքներ:
Կատարվում է քննություն։

***

Մարտի 12-ին, ժամը 23.00-ին, Երևանի Հր.Քոչարի և Գյուլբենկյան փողոցների խաչմերուկում իրար են բախվել «Օպել» և «Մերսեդես» մակնիշի ավտոմեքենաներ. «Մերսեդես»-ի 45-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն։

***

Մարտի 13-ին, ժամը 02.30-ին, «Նիսան» մակնիշի ավտոմեքենան Երևանի Ա. Խաչատրյան փողոցում բախվել է «Օպել» մակնիշի ավտոմեքենայի. «Նիսան»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***

Մարտի 13-ին, ժամը 17.30-ին, «Օպել» մակնիշի ավտոմեքենայի վարորդը Երևանի Հր. Քոչարի փողոցում վրաերթի է ենթարկել 68-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Մարտի 13-ին, ժամը 00.40-ին, «Նիսան» մակնիշի ավտոմեքենան Երևանի Վիլնյուսի փողոցում բախվել է էլեկտրասյանն ու շրջվել. 31-ամյա վարորդը մարմնական վնասվածքներովտեղափոխվել է հիվանդանոց:
Կատարվում է քննություն։

***

Մարտի 13-ին, ժամը 15.00-ին, Երևանի Մյասնիկյան պողոտայում իրար են բախվել «Նիսան» և «Ռենո» մակնիշի ավտոմեքենաներ. «Ռենո»-ի 71-ամյա ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն։

***

Մարտի 13-ին, ժամը 23.00-ի սահմաններում, «Օպել» մակնիշի ավտոմեքենան Արմավիրի մարզի Սարդարապատ-Արաքս ճանապարհի 2-րդ կմ-ին դուրս է եկել երթևեկելի հատվածից և հայտնվել հողատարածքում. 26-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***

Մարտի 13-ին, ժամը 12.00-ի սահմաններում, Երևան-Էջմիածին ճանապարհի 14-րդ կմ-ին իրար են բախվել «ԿԻԱ» և «Ֆորդ» մակնիշի ավտոմեքենաներ. վարորդները մարմնական վնասվածքներով տեղափոխվել են հիվանդանոց:
Կատարվում է քննություն։

***

Մարտի 12-ին, ժամը 23.35-ին, ոստիկանության Սպիտակի բաժնում պարզվել է, որ գողության համար ձերբակալված 35-ամյա քաղաքացու մարմնի զննության ժամանակ հայտնաբերել են վնասավծքներ:
Քաղաքացին հայտնել է, որ վնասվածքները ստացել է մարտի 10-ին, ժամը 00.05-ի սահմաններում, Սպիտակ-Երևան ճանապարհի 12-րդ կմ-ին «Օպել» մակնիշի ավտոմեքենայով երթևեկելի մասից դուրս գալու և ճամփեզրի քարերին բախվելու հետևանքով:
Կատարվում է քննություն։