Ճանապարհատրանսպորտային պատահարներ հանրապետությունում

Հոկտեմբերի 9-ին, ժամը 14.50-ին, Երևանի Մայրաքաղաքային փողոցում իրար են բախվել «Մերսեդես» և «Օպել» մակնիշի ավտոմեքենաներ, այնուհետև բախվել են կայանված «ԳԱԶ-2705» մակնիշի ավտոմեքենայի. «Մերսեդես»-ի երկու ուղևորները և «Օպել»-ի 64-ամյա վարորդը մարմնական վնասվածքներով տեղափոխվել են հիվանդանոց:
Կատարվում է քննություն։

***

Հոկտեմբերի 9-ին, ժամը 21.40-ին, Երևանի Ծովակալ Իսակովի պողոտայում անհայտ ավտոմեքենան բախվել է «Նիսան» մակնիշի ավտոմեքենայի. «Նիսան»-ի 26-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***

Հոկտեմբերի 10-ին, ժամը 00.10-ին, Երևանի Ծովակալ Իսակովի պողոտայում «Նիսան» մակնիշի ավտոմեքենան բախվել է էլեկտրասյանը. 24-ամյա ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն։

***

Հոկտեմբերի 9-ին, ժամը 11.15-ին, Երևանի Աճառյան փողոցում իրար են բախվել «Նիսան» և «Օպել» մակնիշի ավտոմեքենաներ. վարորդները մարմնական վնասվածքներով տեղափոխվել են հիվանդանոց:
Կատարվում է քննություն։

***

Հոկտեմբերի 9-ին, ժամը 08.30-ի սահմաններում, Աշտարակ քաղաքի Ա. Մանուկյան և Տիգրան Մեծի փողոցների խաչմերուկում «Ֆոլքսվագեն» մակնիշի ավտոմեքենայի վարորդը վրաերթի է ենթարկել 68-ամյա քաղաքացու:
Կատարվում է քննություն։

***

Հոկտեմբերի 9-ին, ժամը 08.30-ի սահմաններում, Երևան-Երասխ ճանապարհից դեպի ՌԴ սահմանապահ զորքերի ուղեկալ տանող ճանապարհին «ՎԱԶ-2121» մակնիշի ավտոմեքենան կողաշրջվել է. 31-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***

Հոկտեմբերի 9-ին, ժամը 17.30-ի սահմաններում, Արագածոտնի մարզի Շահումյան գյուղում «Լենդ Ռովեր» մակնիշի ավտոմեքենան բախվել է տներից մեկի պատին. 32-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***

Հոկտեմբերի 9-ին, ժամը 16.40-ի սահմաններում, Երասխ-Երևան ճանապարհի 36-րդ կմ-ին «Օպել Աստրա G» մակնիշի ավտոմեքենայի վարորդը վրաերթի է ենթարկել 48-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Հոկտեմբերի 9-ին, ժամը 22.00-ին, ՃՈ 2-րդ սպայական գումարտակից զեկուցագիր է ներկայացվել, որ սեպտեմբերի 29-ին, ժամը 20.00-ի սահմաններում, Արմավիրի մարզի Հացիկ գյուղում իրար են բախվել «ՎԱԶ-21070» և «Իսուզու» մակնիշի ավտոմեքենաներ:
Պարզվել է, որ վթարի հետևանքով «Իսուզու»-ի 56-ամյա քաղաքացին մարմնական վնասվածքներով բուժօգնության է դիմել հիվանդանոց:
Կատարվում է քննություն։

***

Հոկտեմբերի 9-ին, ժամը 20.50-ի սահմաններում, Վանաձոր-Դիլիջան ճանապարհի 15-րդ կմ-ին «Մերսեդես» մակնիշի ավտոմեքան դուրս է եկել երթևեկելի գոտուց, բախվել ճամփեզրի արգելապատնեշներին և ընկել ձորը. 51-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***

Հոկտեմբերի 9-ին, ժամը 13.45-ի սահմաններում, Գյումրի քաղաքի Խ. Հայրիկի և Պռոշյան փողոցների խաչմերուկում իրար են բախվել «Մերսեդես» և «Օպել» մակնիշի ավտոմեքենաներ. «Օպել»-ի 26-ամյա ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն։