Պատահարներ հանրապետության ավտոճանապարհներին

Հոկտեմբերի 22-ին, ժամը 16.00-ի սահմաններում, Մասիսի Հանրապետության փողոցում «Ֆորդ Մոնդեո» մակնիշի ավտոմեքենան բախվել է «ՎԱԶ-21011» մակնիշի ավտոմեքենայի:
«ՎԱԶ-21011»-ի վարորդը և «Ֆորդ Մոնդեո»-ի ուղևորուհին մարմնական վնասվածքներով տեղափոխվել են հիվանդանոց:

***

Հոկտեմբերի 22-ին, ժամը 11.30-ի սահմաններում, Երևան-Արմավիր ճանապարհի 14-րդ կմ-ին «ՎԱԶ-21214» մակնիշի ավտոմեքենան բախվել է «Ֆոլքսվագեն Գոլֆ» մակնիշի ավտոմեքենայի, ինչի հետևանքով «ՎԱԶ-21214»-ի վարորդը և «Ֆոլքսվագեն Գոլֆ»-ի 2 ուղևորները մարմնական վնասվածքներով տեղափոխվել են հիվանդանոց:

***
Հոկտեմբերի 22-ին, ժամը 14-00-ի սահմաններում, Երևան-Սևան 20-րդ կմ-ին «ՎԱԶ-21074» մակնիշի ավտոմեքենան դուրս է եկել ճանապարհի երթևեկելի մասից և շրջվել:
Վարորդը մարմնական վնասվածքներով տեղափոխվել հիվանդանոց:

***
Հոկտեմբերի 22-ին, ժամը 19.25-ի սահմաններում, Գյումրիի Մհեր Մկրտչյան և Իսահակյան փողոցների խաչմերուկում իրար են բախվել «ԻԺ-2126» և «ՎԱԶ-2109» մակնիշի ավտոմեքենաներ:
«ԻԺ-2126»-ի ուղևորուհին մարմնական վնասվածքներով դիմել է «Գյումրի» բժշկական կենտրոն: