Պատահարներ Երևանում և հանրապետության ավտոճանապարհներին

Հունիսի 18-ին, ժամը 01.00-ին, Երևանի Սասնա Ծռեր փողոցի թիվ 10 շենքի դիմաց իրար են բախվել «Մերսեդես E-190» և «Օպել Աստրա» մակնիշի ավտոմեքենաներ:
«Օպել Աստրա»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 17-ին ժամը 18.30-ի սահմաններում, Երևանի Մամիկոնյանց և Մալխասյանց փողոցների խաչմերուկում իրար են բախվել «Ֆոլքսվագեն Գոլֆ», «ԳԱԶ-322132» և «Օպել Վեկտրա» մակնիշի ավտոմեքենաներ:
«Օպել Վեկտրա»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 17-ին, ժամը 17.30-ին, Երևանի Երևանյան խճուղու թիվ 27 հասցեի դիմաց իրար են բախվել «Տոյոտա», «ՎԱԶ-21213» և «Միցուբիշի» մակնիշի ավտոմեքենաներ:
«Տոյոտա»-ի ուղևորը և «ՎԱԶ-21213»-ի ուղևորը վնասվածքներով տեղափոխվել են հիվանդանոց:
Կատարվում է քննություն:

***
Հունիսի 17-ին, ժամը 18.00-ին, թիվ 72 երթուղու միկրոավտոբուսի վարորդը Երևանի Սեբաստիայի փողոցի թիվ 131 հասցեի դիմաց կտրուկ արգելակել է, ինչի հետևանքով 65-ամյա ուղևորն ընկել է միկրոավտոբուսի դռան վրա, ստացել վնասվածք ու բուժօգնության դիմել հիվանդանոց:
Կատարվում է քննություն:

***
Հունիսի 17-ին, ժամը 18.00-ին, «Օպել» մակնիշի ավտոմեքենայի վարորդը Երևանի Աճառյան փողոցում վրաերթի է ենթարկել 33-ամյա քաղաքացուհու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 17-ին, ժամը 23.10-ի սահմաններում, Վանաձորի Իսահակյան փողոցի և Իսահակյան 2-րդ նրբանցքի խաչմերուկում իրար են բախվել «Օպել» և «Միցուբիշի ԻՕ» մակնիշի ավտոմեքենաներ:
«Միցուբիշի ԻՕ»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 17-ին, ժամը 05.15-ի սահմաններում, Կապան-Գորիս ճանապարհի 36-րդ կմ-ին «ՎԱԶ-21214» մակնիշի ավտոմեքենան դուրս է եկել ճանապարհի երթևեկելի մասից և կողաշրջվել, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն: