ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
20.09.2019 18:06
ՀՀ վարչապետը ոստիկանության անձնակազմին ներկայացրեց ոստիկանության պետի ժամանակավոր պաշտոնակատարին (ՏԵՍԱՆՅՈՒԹ, ԼՈՒՍԱՆԿԱՐՆԵՐ)
Սեպտեմբերի 20-ին ՀՀ վարչապետ Նիկոլ Փաշինյանն այցելել էր ոստիկանություն։ Այցի նպատակը ոստիկանության պետի ժամանակավոր պաշտոնակատար, ոստիկանության գնդապետ Արման Սարգսյանին ոստիկանության անձնակազմին ներկայացնելն էր։
Ողջունելով ներկաներին՝ վարչապետը կարեւորեց այն, որ Արման Սարգսյանը երկար տարիներ աշխատել է համակարգում. եւ նրա աշխատանքը ծանոթ է համակարգի ծառայողներին:
Անդրադառնալով ոստիկանության՝ որպես պետական կարեւոր կառույցի էությանը՝ վարչապետն ընդգծեց, որ թեւ ոստիկանությունը կայացած կառույց է, այնուամենայնիվ, կառավարությունն իր առջեւ խնդիր է դրել սահմանել ավելի բարձր նշաձող, եւ ինքը վստահ է, որ փոխադարձաբար կհաղթահարեն ոստիկանության համար սահմանած բարձր նշաձողը։
Բարձր գնահատելով վերջին ավելի քան մեկ տարվա կատարած աշխատանքը՝ վարչապետը կարեւորեց ոստիկանությունում ընթացող բարեփոխումները։
Շնորհակալություն հայտնելով վստահության եւ համակարգի հանդեպ հոգատար վերաբերմունքի համար՝ ոստիկանության պետի ժամանակավոր պաշտոնակատար Արման Սարգսյանը հավաստիացրեց, որ պատվով կկատարեն իրենց առջև դրված խնդիրները:
Քննարկվեցին նաեւ ոստիկանության ծառայությանը վերաբերող այլ հացեր։
