ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
13.10.2016 17:58
Ընդունելություն ՀՀ ոստիկանությունում
Հոկտեմբերի 13-ին ոստիկանության պետի տեղակալ, ոստիկանության գեներալ-մայոր Վարդան Եղիազարյանն ընդունեց Հայաստանի Հանրապետությունում Չինաստանի Ժողովրդական Հանրապետության արտակարգ և լիազոր դեսպան Տիան Էրլունի գլխավորած պատվիրակությանը:
Ողջունելով հյուրերին՝ Վարդան Եղիազարյանը բարձր գնահատեց Հայաստանի և Չինաստանի ոստիկանական կառույցների միջև փոխգործակցության ներկա մակարդակը՝ հատկապես առանձնացնելով ՀՀ-ում Չինաստանի Ժողովրդական Հանրապետության դեսպանության դերը համագործակցության ամրապնդման գործում, և պատրաստակամություն հայտնեց էլ ավելի խորացնելու կապերը, որոնք կնպաստեն հանցավորության դեմ տարվող ընդհանուր պայքարին:
Տիան Էրլունը շնորհակալություն հայտնեց ջերմ ընդունելության համար և հավաստիացրեց, որ արվում է ամեն ինչ՝ երկու երկրների իրավապահ համակարգերի գործընկերային հարաբերություններն էլ ավելի զարգացնելու համար:
Հանդիպման ընթացքում կողմերը քննարկեցին հոկտեմբերին Չինաստանի Ժողովրդական Հանրապետության Հասարակական անվտանգության նախարարի տեղակալ Լի Վեյի գլխավորած պատվիրակության՝ Հայաստան նախատեսվող այցի հետ կապված մի շարք հարցեր:
