Ոստիկանությունը շարունակական պայքար է մղում ապօրինի ծառահատումների դեմ

Հոկտեմբերի 28-ին, ժամը 17.10-ին, ոստիկանության Գուգարքի բաժնում ահազանգ է ստացվել, որ Վանաձոր քաղաքի նախկին «մաքրման կայանի» ուղղությամբ` սարալանջին, ծառեր են կտրում:
Մեկնած օպերատիվ խումբը ժամը 18.00-ին բերման է ենթարկել 1960 թ. ծնված Մարտուն Թ.-ին, որը նշված վայրում, կացնի գործադրմամբ, ապօրինի հատել է 6 բոխի և 4 լորենի:
Նշանակվել է մասնագիտական ստուգում:
Կատարվում է հետաքննություն:

                                                           ***
Հոկտեմբերի 17-ին, ժամը 17.30-ին, ոստիկանության Սպիտակի բաժնում հաղորդում էր ստացվել, որ Լուսաղբյուր համայնքի տարածքում կատարվել է ապօրինի ծառահատում:
Մեկնած օպերատիվ խումբը պարզել էր, որ 1960 թ. ծնված Սամվել Մ.-ն բենզասղոցի գործադրմամբ հուլիս և օգոստոս ամիսների ընթացքում Լուսաղբյուր համայնքի վարչական տարածքում ապօրինի հատել է 20 հատ սոճի:
Նշանակվել էր մասնագիտական ստուգում:
Նյութերի նախապատրաստման ընթացքում հոկտենբերի 25-ին ստացվել է մասնագիտական եզրակացություն, համաձայն որի` ապօրինի հատմամբ պատճառված վնասի չափը կազմում է 727.500 դրամ:
Պատճառված վնասի հատուցման սակագինը վճարված է: