Ոստիկանները պարզեցին իրողությունը. վայր չէր ընկել

Հուլիսի 10-ին, ժամը 21.05-ին, հիվանդանոցից ոստիկանության Էրեբունու բաժնում հաղորդում է ստացվել, որ «գլխուղեղի սալջարդ, գանգուղեղային վնասվածք» ախտորոշմամբ բուժօգնության է տեղափոխվել 1988 թ. ծնված Նարեկ Հ.-ն, որի հայրը հիվանդանոցում հայտնել է, որ որդին վայր է ընկել շենքի բակում:
Ըստ բժշկի տեղեկանքի՝ Նարեկ Հ.-ն ի վիճակի չի եղել բացատրություն տալու:
Ձեռնարկված օպերատիվ-հետախուզական միջոցառումների շնորհիվ պարզվել է, որ ժամը 19.00-ի սահմաններում Արցախի փողոցի թիվ 32 շենքի բակում, վիճաբանության ժամանակ, նրան վնասվածքները պատճառել է 1990 թ. ծնված Հովհաննես Ա.-ն:
Կատարվում է հետաքննություն: