Գողության կասկածանքով Նոր Խարբերդի 36-ամյա բնակիչ է բերման ենթարկվել

Նոյեմբերի 26-ին, ժամը 12.30-ին, ոստիկանության Մասիսի բաժնի ծառայողները, գողություն կատարելու կասկածանքով, բերման են ենթարկել Նոր Խարբերդ գյուղի 36-ամյա մի բնակչի, որը տվել է խոստովանական բացատրություն, որ փետրվարի սկզբին Նոր Խարբերդ գյուղում գտնվող ցեմենտի վաճառքի կետից գողացել է պարկերով ցեմենտ, որն օգտագործել է իր տան բակի հատակը նորոգելու համար: Իսկ մարտի 20-ին նույն գյուղի մի բնակչի կիսակառույց տան բակից գաղտնի հափշտակել է «Բոշ» տեսակի լոբզիկ, «Տոշիբա» տեսակի էլեկտրական սղոց և Երևան քաղաքի «Գնունու» շուկայում վաճառել անծանոթ մի երիտասարդի:
Պարզվել է նաև, որ 36-ամյա տղամարդը սեպտեմբերի սկզբներին Նոր Խարբերդ գյուղի տներից մեկի բակից գողացել է երկաթյա մուտքի դուռ, որը նույնպես վաճառել է անծանոթի:
Նախապատրաստվում են նյութեր: